Kështu lufton vëllai për vëlla :
KËNGA E PREN CURRIT
- Rapsodi popullore –
Hej, po kuvenin nja tre kapetana –
Se n’ Mirditë , o , ka shumë djem azgana !
Se n’ Mirditë , o, ka shumë djem azgana ,
Ish Pren Curri, o , ma trim se zana !
Ish Pren Curri, o , ma trim se zana ,
Kurrë , o, s’ ish lidhë ,o , se e ka ba nana !
Kurrë ,o , s’ ish lidhë,o, se e ka ba nana ,
Ish ardhë nemci*1) e kanë lidhë në pranga !
Lidhë në pranga , fort e kanë shtrëngue ,
Përpjetë bjeshkës, djalin e kanë que !...
Përpjetë bjeshkës, djalin e kanë que –
N’ Binak Currin, o, kokan qillue !
N’ Binak Currin, o , kokan zatet-e ,
Kapetanav’, djali, çka po u thet –e ?...
Kapetanav’, djali, çka po u thet –e:
“Lëshomna vëllaun , o, le t’ shkon , o , n’ shpi t’ vet-e!
Lëshomna vëllaun, o, le t’ shkon ,o, n’ shpi t’ vet –e,
S’ ja u jap vëllaun , kurrë , unë , për këtë jetë-e!
Koka dredhë, o , koka shkue n’ shpi t’ vet-e ,
Marrë, o, na i ka nja tre mashqi t’ vet-e !
Djem t’ Mirditës , o , nja shtatë a tet-e ,
Ja u nxu pritën , djali, n’ atë qerret-e !
Ja u nxu pritën , djali, n’ atë qerret –e,
Kapetanat , o, po vinë, o, përpjet-e !
Nalnu , u thotë, o ju kapetana ,
Se ju bajë , o , që s’ ju njeh as nana !
S’ ju njeh nana ,o , as baba i vet-e ,
Se këtu s’ dojna, o, na hyqymet-e !
Hyqymeti , o , le t’ rrinë , o, në Shkodër ,
Se këtu i thonë , o, Mirdita e vogël !
Se këtu i thonë, o, Mirditë gazepi ,
S’ na e banë toka neve bereqetin !
S’ na e banë toka neve bereqet-e ,
I kena shpijat , o more , skrep e m’ skrep-e!
T’ gjithë për gisht, o, na ja kem adet-e,
Kapetanat të tret po i vret-e !
*****
Nemci*1) = serb. Gjermani
Formulimi i strofave , është shënuar në mënyrë autoktone, ashtu si që e këndojnë rapsodët popullor.
Mblodhi, shënoi dhe rikëndoi:
Demir KRASNIQI
https://www.zemrashqiptare.net/