Halit Bogaj: Antonio Banderas

Me karizmën e tij internacionale të cilën e fitoi shumë shpejt në Holivud. Antoni Banderas bëhen një Rudolfo Valentino i ri i filmit amerikan dhe arrin që për disa vite t’i realizonte mbi 40 filma me tematikë të llojllojshme.Me një shpejtësi të tillë vërtet marramendëse çuditej mbarë bora se si kishte pasur sukses ta krijonte një imixh aq të popullarizuar.

Antonio Banderas posedonte një sharm dhe bukuri të rrallë mashkullore të cilat i pëlqente sidomos bota femërore, tamam ashtu siç kishte ndodhur dikur me “dashnorin latin”Rudolfo Valentinon.Banderas me të drejtë krahasohej me aktorin legjendar italian ngase ka ngjashmëri të shumta me të, sidomos në interpretimin e roleve aventuristike siç ishin ato të Zoros dhe “Luftëtarit të 13-të” të cilët i ka shikuar edhe publiku ynë.Banderas dëshironte me pasion të madh që ta ndiqte ndonjë shkollë të dramës, për çka ishte i bindur se kishte afinitet të mjaftuar, por edhe pamje të jashtme fizike siç kërkohej për aktorët më të shquar.Dëshirat e tilla imagjinare i ushqente përherë në shpirtin e tij për të arritur në kulmet më të larta të Holivudit legjendar dhe kush do të thoshte se të gjitha ato synime do të bëheshin realitet i ëmbël.Sa ishte në atdhe ai i bashkohej ndonjë trupe endacake teatrore, për të arritur edhe atje që të bëhej një aktor i shquar i vendit të tij ekzotik.Duke i shikuar rolet e tij në Teatrin spanjoll, Banderas tërheq vëmendjen e regjisorit Pedro Almadovar që jetonte dhe vepronte në Holivud.Ai e angazhon aktorin e ri në filmin’Labirinthi i pasionit”/1982/, i cili aktron edhe në filmin tjetër të regjisorit të njejtë me titullin”Ligji i dëshirës”/1984/, për t’ u dalluar edhe si një aktor i ri dhe me tipare karakteristike.Pas rolit në filmin”Matadori”/1986/, Banderas bëhet një yll I pashuar dhe një djalosh shumë i njohur i nënqiellit filmor amerikan nga i cili priten edhe role të tjera impozante, siç ishte edhe ai nga filmi”Zonja nervoze”/98/.Gjithashtu luan një rol fenomenal edhe në filmin “Atame”ku e shohim si psikopat që kidnapon një femër.Filmi që e ngriti në Zenitin më të lartë është “Mbretërit e Mambos” ku luan bashkë me të madhin Armando Asante e në të cilin realizon një rol vërtet monumental ku shquhet për aftësitë e tij të mëdha artistike dhe dramatike.Në atë film Banderas interpreton një emigrant kubanez i cili emigron në “tokën e premtuar”, një ëndërr e kahmotshme edhe  për popuj të tjerë që vuanin nga regjime të ndryshme totalitare.Në filmin”Filadelfia”shkëlqen bashkë me Tom Henksin e shquar i cili ishte infektuar me virusin e Sidës, për të  mbetur i paharruar edhe në filmin e Najl Xhordanit “Intervista me vampirin” në të cilin luan një rol tjetër fenomenal, atë të vampirit kryesor e ku luajnë edhe:Bret PitëKristian Slejter  dhe Tom Kruz, të cilët gjithashtu arrijnë famë botërore me filmin në fjalë.

Banderas vazhdonte të shkëlqente edhe me filma të tjerë si:”Maska e Zoros”, “Desperado”/Mariaçi/, “Evita”, “Luftëtari i 13-të”, “Çmendia në Alabama” dhe”Vëllezërit në errësirë”.Fati i aktorit perspektiv Antonio Banderas, përveç me regjisorin Pedro Almadovar ishte i lidhur edhe me të riun Kventin Tarantino të cilët i shohim së bashku në filmin”Desperado” ku luan edhe aktorja e madhe Selma Hajak dhe aktori tanimë internacional Joakim Almadeira.Në atë film Banderas interpreton një këngëtar/kitarist/të dëshpëruar të cilit ia kishin vrarë të dashurën e tij, kurse ai kishte qenë i detyruar të hakmirrej në mënyrë të veçantë ndaj vrasëseve të së dashurës së tij , në mesin e të cilëve kishte qenë edhe vëllai i tij kriminel/Joakim Almadeira/.Banderas interpreton një rol markant edhe në filmin”Vrasësit profesionistë”në të cilin luan bashkë me aktorin e madh Silvester Stalone.Në këtë film, edhepse kishte një rol negativ, Banderas na mbetet në kujtesë të përhershme.Në filmin”Maska e Zoros”interpreton një rol legjendar të një luftëtari të lirisë njerëzore, aq më tepër kur duhej të hakmerrej për vrasjen e vëllait të tij të cilin ia kishin vrarë në mënyrë të pamëshirshme.Banderas, bashkë me Entoni Hopkinsin/Zoron e vjetër dhe vajzën e tij/Ketrin Zeta Xhons/ krijojnë një film epokal aventuristik i cili shquhet ndër krijimet më kulminante të aktorit të ri  Është tejet e pabesueshme ajo që u tha në fillim të këtij shkrimi , por shumë e vërtetë se Banderas për një kohë shumë të shkurtër i kishte realizuar mbi 40 filma ndër të cilët duhet përmendur edhe:”Lumi i bardhë”, “Labirinthi i pasioneve”, “El Kaso Almero”, “Senjor Galindezi”, “Los Zankos”, “Kaso Kerado”, “Gjyqi i Faraonit”, “Deliriumi i dashurisë”, “Njëzet e shtatë orë”, “Ligji i dëshirës”, “Kënaqësia e vrasjes”, “Balon rush”, “Kundër erës”, “Paloma e bardhë”, “Terra Nuova”, “Gruaja në shi”, “Njeriu i quajtur Benito Musolini”, “Dispara”, “Katër dhomat”, “Kurrë mos fol me të huajt”, “Trupi” dhe “Na ishte një kohë në Meksiko”.