Hajdin Morina
MUJË KRASNIQI ËSHTË NJË
Në qendër të qytetit
Një Mujë e ka qyteti im
Vetëm një si Diellin
Vetëm një si Lirinë
I vetmi që nuk pushon
24 orë ballin mbi re
Përditë e përqafojnë
Fëmijët nënat e dëshmorëve
Dhe shqiponjat
Pastaj në ditë festash
Para kamerave para mikrofonave
Mbajnë fjalët e rastit duartrokasin
Seç e zvogëlon përditë
Atdheun e partive politike
Lirinë seç e rrit
Vetëm një është ai
Si Dielli si Liria si Flamuri
Një Mujë e ka qyteti im
Vetëm një si Diellin
Vetëm një si Drinin
LIRIA IME
Si të të përqafoj
Ti kokën nuk e përkul
As sa një fije kashte
Mbi cilin qiell syri yt pushon
Nuk ta putha ballin as dje as sot
Ti kokën lart e më lart
GJAKU I ZANËS
Në një pranverë
Një Zanë e dhunuan barbarët
Dhe gjaku i saj i thau lulet
Dhe loti i saj i shteroi krojet
SHQIPONJAT
A kanë Shqiponjat
Mjaft qiell për fluturim
Nëpër hapësirat e Lirisë
Dhe Në fushën e kuqe
Të Flamurit të moçëm
https://www.zemrashqiptare.net/