Mexhid Yvejsi: Mulla Selim Selimi (1978-1998)

    Emri i Selim Selimit, myezinit të xhamisë, dëshmorit të lirisë, vërtetë me shekuj do t’i takojë historisë, sepse në moshën 20 vjeçare e dha edhe jetën për çështjën shqiptare… 

   Mulla Selim Selimi, djali i Shaip Selimit, lindi  me 7 Korrik 1978 në katundin Belincë, në rrethin e Shtimes. 

   Mësimet fillestare i kreu në Shtime, kurse mësimet e mesme i vazhdojë në Prishtinë, në Medresenë “Alauddin”

    Në Medresenë “Alauddin” nuk ishte nxënës i rregullt, por me korrespodencë. Meqë ishte djalë i zgjuar, me vullnet e dëshirë për të lexuar, mësuar, të gjitha provimet i jepte në afatin e caktuar.

     Kështu, me dëshirë të zjarrtë, me shumë vullnet e kreu vitin e parë, vitin e dytë dhe vitin e tretë.

     Pasi e kreu vitin e tretë të Medresesë, ende pa i mbushur njëzetë vjet, meqë e kishte zërin e bukur, përgatitje të mjaftueshme, sjellje të shkëlqyeshme këtë djalë të ri e pranuen myezin në xhami. 

     Në Xhaminë e Shtimes, ku shërbeu si myezin, kur besimtarët e nderonin, e çmonin e përgëzonin Mulla Selimin për shërbimin e rregullt në xhami, por ai nuk e ndjente të njëjtën kënaqësi!

     Përse?  Diçka i mungonte, diçka e shqetësonte…! Se çka i mungonte, se çka e shqetësonte nuk shkojë gjatë dhe u kuptue, kur dëgjuan se Mulla Selimi në rradhët e Ushtrisë Çlirimtare të Kosovës u rreshtue…

    Mulla Selim u rreshtue në radhët e UÇK-së në pranverën e vitit 1998, në Krojmir të Drenicës, ku u pritë nga ushtarët e eprorët me dashamirësi, ku edhe ky priti shumë të rinjë të tjerë të gatshëm m’u flijue për liri…

    Me 14 dhjetor 1998, duke u kthyer nga Shqipnija, ku kishin shkuar për t’u furnizuar  me armatim, së bashku me 149 ushtarë të UÇK-së, prej të cilëve u vranë 36 ushtarë , në mesin e tyre ishte edhe myezini, Mulla Selim Selimi…

    Për dëshmorin, për luftëtarin, për trimin Mulla Selim Selimin, motra e tij  ia ka kushtue një poezi, ku ndër të tjera, shkruen:

     Shiko këtu në Belincë

     Vrojto mirë me sy

     Bën sikur të flet

     Dikush gjendet aty.

     Gjendet varri i trim Selimit

     Dëshmorit të lirisë

     Që me vite e shekuj

     Do t’i takojë historisë  

     O im vlla, Selim

     Lule pranverore

     Varri të shkëlqen

     Si kandil prore. 

    Emri i Selim Selimit, myezinit të xhamisë, dëshmorit të lirisë, vërtëtë me shekuj do t’i takojë historisë, sepse në moshën 20 vjeçare e dha edhe jetën për çështjën shqiptare…