Agim Gashi: Lulja në lum

Agim Gashi

Lulja në lum

Mbi urën e lumit Rur
Vështroja valët dallgë-dallgë
Lulen që ma dhurove ti
E mbaja në gji

Nxora nga gjiri im
Lulen që e doja shumë
Me afshin e shpirtit i mora erë
Por më shpëtoi nga dora e më ra në lum

Ma mori vala e lumit lulen
Dallgët në shpejtësi
Tretej nga syri im
Humbi një dashuri

Nuk e urreva lumin
As dallgët që lulen ma morën
Prej gabimeve të mia
Akoma lotët spo ndalen

Bien lotët e mi bien
Në dallgët e lumit Rur
Unë mbeta duke kërkuar fundin e lumit
Pusi e lumi nuk kishin fund askund

U tret lulja ime
Me lotët e mi pika-pika
E zemra bam e bum
Hej miqët e mi-
Diku ka një fund

Zemra Shqiptare

Agim Gashi: Lulja në lum