Poezi nga Ekrem Ajruli

Ekrem Ajruli

Kush

ta prish ëndrrën
shpirtin ta bënë farmak
vetja të duket ujk
ty lepecit plak

flet e shan përçartë
donë të lësh nam
seç të tradhton mendja
nis e vjell ballgam

po kërcëllove dhëmbët
të thyet dhëmballi
fjalët janë varfëri
angullimë çakalli

Nis

të shkruaj elegji
ngase borxh ia kam
ç’më tradhton varg i bekuar
për inat del epigram

lavdet e tij nuk kanë fund
as nuk kanë të sosur
i ndihmoftë Perëndia
truri i është dhjamosur

Në jetë

kam parë bisha
kam parë ujq dhe arinj
por kallpazan në këto vite
kam takua vetëm nji

nuk i druhem jetës
pa drojë i ngjitem malit
s’më spraps hungërimë e bishave
aq më pak aullimë e çakallit

më rastis të dëgjoj shpesh
edhe këngën e hutit
por kurrë bletën s’e kam parë
të shkoj pas erës të butit

Zemra Shqiptare

Poezi nga Ekrem Ajruli