Adem Zaplluzha: Mikut që e ka mik sharkinë

Adem Zaplluzha

MIKUT QË E KA MIK SHARKINË

(I kushtohet mikut tim Agim Gashit)

Sonte
Më ka përqafuar vetëmia
Përse hesht
Kështu or mik
S´të dëgjohet
Më sharkia
S´na këndon një çik

shko te Kulla
E Ahmet Delisë
Shko e këndoje
Këngën atdheut
le të jehojë
Në trojet e Shqipëtarisë
Zëri i heshtur
I Gjergj- Beut

Në sharknë e vjetër
Kënga e Re
Le ta zgjojë
Shabanin e Azem Bejtën
Kështu ka qenë
Gjithmonë ndër ne
Duke kënduar
me flijua jetën

Nëse ke mall
Për male me shkrepa
Eja e çmallu
Me bukurit e Kosovës
Fluturo këndej
Si fluturon bleta
Të përqafojnë miqtë
Me zanat e Bajgorës

Zemra Shqiptare

Adem Zaplluzha: Mikut që e ka mik sharkinë