Xhenc Bezhi: Urime Krishtlindjen

Xhenc Bezhi

Urime Krishtlindjen

Ati ynë se je në qiell
Zbrit dhe një herë ne tokë
Nuk po njohim njeri tjetrin
S´njohim vëlla as shokë

Kemi dalë nga rruga jote
S´ ka më dashuri
Mendojmë mirë për vete
E keq për komshi

Na ka hy n´mes interesi
Ka humbur burrëria
Miku të rrijë në punë të vetë
Mos t´na vij të shtëpia

Zbrit ne tokë e folna shqip
Jepna paqë edhe bekim
Zot ke qene e Zot do mbetesh
Emri yt nuk do përkthim

Ati ynë se je në qiell
Ti nuk je vrastar
Zotat tjerë te rrejshëm
Sikur ne mëkatar

Tek ti kemi shpresën
Tek ti kemi bindjen
Populli im i dashur
Urime Krishtlindjen

Zemra Shqiptare

Xhenc Bezhi: Urime Krishtlindjen