Albina Idrizi: Sa shumë ngjajmë

Albina IDRIZI

SA SHUME NGJAJME

Thonë se sonte do bie borë
ndaj do rri zgjuar dhe ta pres,
me ëndrrat pezull në ajër ngrirë
fjollën e bardhë nga qielli kur resh`.

Dhe ja tek valëvitet si në hulajë
tingujve të qetë të natës serenate,
stolisur qiellit si nur tokës i zbret
gjithçka ndriçohet bëhet e bardhë.

Tokë e ngrohtë nga afshi djersirë
pajtuar fatit qiellit i jepet,
dashuruar, mbarsur e vjelur nëpër stinë
tekeve te te dashurit as kete here s`i trembet.

E ndjej mire si vrushkuj avulli thithë
burimit që i vlon thellë në gji,
shkrirë puthjesh të bardha për sytha të rij
dalë e ngadalë mbulohet në dashuri.

Magjepsem para kësaj mrekullie
zbukuruar në makiazh të ri,
dhe papritur kujtohem, në vete qeshem-
sa shume ngjajmë o tokë, unë edhe ti.

Zemra Shqiptare

Albina Idrizi: Sa shumë ngjajmë