Halit Bogaj: Nënë Terezës

Halit Bogaj

NËNË TEREZËS

Engjull drite n’përjetësi

Për ne ishe përherë TI

I tregove botës mbarë

Trungun tënd të lashtë shqiptar

2

Në Kalkutë atë ditë kur shkove

Bujarinë shpejt e tregove

Për të varfër nga çdo anë

TI qëndroje gjithnjë pranë

3

U mahnit mbarë Vatikani

Se sa larg të shkonte zani

Se si jetën e flijove

Për të varfër kur punove

4

Për të varfër kur punove

Nëpër rrugë me ta qëndrove

Prandaj hyre në çdo zemër

Nënë Terezë i shenjti emër

5

Gjuhën shqipe s’e harrove

Disa letra TI i shkrove

Dhe kërkove pak mëshirë

Nga sistemi egërsirë

6

Në atdhe që të shkoje

Nënën tënde ta takoje

Për t’u çmallur nënë e bi

Në atë tokë në Shqipëri

7

Kishin frikë ata të mjerë

Siç vepronin kurdoherë

Dhe nga frika që jetonin

Shumë bunkera i ndërtonin

8

Kishin frikë nga madhështia

Që e lindi Shqipëria

Që mbarë bota e nderonte

Në çdo vend ku ajo shkonte

9

Në çdo vend ku ajo shkonte

Veç atdheu ia ndalonte!

Prandaj shpirti përpëlitej

Edhe vetë Zoti çuditej

10

Se çka bënte një regjim

Që prodhonte aq trishtim

Kurse ajo duke qarë

Lutej fort për çdo shqiptar

Zemra Shqiptare

Halit Bogaj: Nënë Terezës