Halit Bogaj: Ahmet Krasniqit

Halit Bogaj

AHMET KRASNIQIT

Atë ditë zie n’Shqipëri

Ra Ahmeti në pusi

Por nuk dihet kush e vrau

Ish shqiptari apo shkau

2

Por vërtet ishte një krim

Që na mbushi me trishtim

Na u vra një oficer

I shkolluar burrë me nder

3

E vrau nata plot mister

Si ka ngjarë ndër ne shpeshherë

Armiqtë tanë e dinë më mirë

Si e vranë atë martir

4

Por do vijë prapë një ditë

Ai mister për t’u shëndrrit

Asesi nuk do t’lejohet

Gjaku i tij që të harrohet

5

Se e kemi për detyrë

Në atë vrasje për të hyrë

Se e kemi amanet

Që atë krim ta zbulojmë vetë

6

Se Ahmeti ish për ne

Promethe për këtë atdhe

Ish i lidhur fort me tokën

Për të cilën e la kokën

VRANINA

Krisi pushka në Vraninë

Merrej haku për Avdinë

Oso Kuka po luftonte

Shqipërinë atje e mbronte

2

Fort e mbronte Shqipërinë

Ia shtonte madhështinë

Ca çetnikë dhe një Novica

Me shajkaqe me kapica

3

Avdi Hysën djalë të ri

E rrethuan n’befasi

Pa mëshirë atë e vranë

Pa vëlla motrën e lanë

4

Por e mjera kish vajtuar

Një hakmarrs e kish kërkuar

A del kush tha në Shqipni

Që lufton me Mal të Zi?

5

U nis shpejtë Osë baroti

Ndër shumë trima më i zoti

U çudit bota mbarë

Si luftoi një grusht shqiptarë

6

Edhe qielli u përflak

Krejt Vranina u përgjak

Britnin shkie edhe shkina

Dridhej fort edhe Cetina

Zemra Shqiptare

Halit Bogaj: Ahmet Krasniqit