Arif Molliqi: Bashkatdhetarët tanë në Hamburg e festuan 28 Nëntorin

| E enjte, 03.12.2009, 08:50 PM |

Bashkatdhetarët tanë në Hamburg e festuan 28 Nëntorin

FESTA E 28 NËNTORIT- ËSHTË FESTA MË E MADHE KOMBËTARE

Nga Arif Molliqi

Sot kur e përkujtojmë këtë datë historike, kemi arsye të gëzohem, por edhe të hidhërohem. Kemi arsye të gëzohem sepse pikërisht me 28 Nëntor 1912, u shpall pavarësia e Shqipërisë, kurse kemi arsye të hidhërohemi sepse më këtë pavarësi gjysma e trojeve shqiptare,  mbeten nën pushtimin e sllavëve, nën pushtimin e hienave greke.

Në një ambient festiv, të dekoruar me simbole kombëtare, mbrëmë në Hamburg, organizua nga Klubi Shqiptar “Verrat e Llukës”, bashkatdhetarët tanë ishin tubua ta festojnë 28 Nëntorin, festën tonë më të madhe kombëtare. Mbrëmja si zakonisht u hap me antonimin e himnit kombëtar për të vazhduar me programin e paraparë festiv.
    Në fillim të pranishmëve u foli kryetari i klubit z. Haxhi Dervishaj, i cili mes tjerash tha; Para 566 vitesh i madhi Gjergj Kastrioti-Skënderbeu, në kalanë e Krujës ngriti flamurin tonë kombëtar, ngriti flamurin e Kastriotve. Skënderbeu, jo vetëm që simbolikisht ngriti flamurin tonë, por për 25 vite e mbrojti gjenin e kombit tonë në një luftë të pabarabartë më ushtritë osmane, në një luftë të egër me sllavët e Karpateve që gjithmonë e sulmonin pabesisht pas shpine. Skënderbeu u mbrojt edhe nga tradhtitë e Venedikut dhe Romës që aq shpesh i premtuan ndihmë, e ndihmë kurrë nuk i afruan...Jemi mbledhur këtu, vazhdoj kryetari i klubit,- ta përkujtojmë edhe Vlorën heroike të plakut mjekërbardhë Ismail Qemailit, e të trimit kosovarë Isa Boletinit të cilët pikërisht me 28 Nëntor 1912, në Vlorë shpallën pavarësinë e Shqipërisë, shpallën shtetin e parë shqiptarë pas pesë shekujsh. Sot kur e përkujtojmë këtë datë historike, kemi arsye të gëzohem, por edhe të hidhërohem. Kemi arsye të gëzohem sepse pikërisht me 28 Nëntor 1912, u shpall pavarësia e Shqipërisë, kurse kemi arsye të hidhërohemi  sepse më këtë pavarësi gjysma e trojeve shqiptare, Kosova, Kosova Lindore, Ilirida, Plava e Gucia, Ulqini, Tivari e Çamëria mbeten nën pushtimin e sllavëve, nën pushtimin e hienave greke.
    Mirëpo, sot kemi edhe një arsye tjetër të festojmë, tha folësi tjetër z. Miftar Tahirsylaj, - sepse sot edhe Kosova po e feston këtë Nëntor e lirë, dhe se dyti, 28 Nëntori është festa e lindjes se komandantit legjendar Adem Jasharit i cili sëbashku me Sali Çekun dhe Zahir Pajazitin ja vuan themelet Ushtrisë sonë Çlirimtare. Komandanti Adem Jashari, solli kualitet të ri në filozofinë dhe mendësinë e shqiptarëve për jetën, atdheun, lirinë për nderin dhe dinjitetin e kombit. Rënia heroike e Adem Jasharit i dha shtytjen më të fuqishme mobilizimit, strukturimit dhe profesionalizimit të Ushtrisë Çlirimtare të Kosovës....
    Më pastaj mbrëmja kaloj në programin artistik, ku këngëtari Besnik Shuti për disa orë i argëtoj të pranishmit më këngë për Flamurin, për pavarësinë e Shqipërisë, për Skënderbeun, Ismail Qemailin, Isa Boletinin, Adem Jasharin, Sali Çekun, e për shumë heronj që dhanë jetën për çështjen tonë kombëtare.
    Ndërsa e veçanta e kësaj mbrëmje ishte paraqitja e grupit të vajzave që me vallen “Vallja e pavarësisë” që në fillim e bën publikun për vete. Kostumografia dhe koreografia e lojës se tyre kishin një koloritet shumë tërheqës dhe gati-gati profesional. Loja e tyre e harmonizuar, energjike dhe plot gjallëri bën që disa herë publiku në sallë të ngritën në këmbë duke duartrokitur. Ishte kjo një befasi e këndshme që me lojën e tyre na sollën valltaret; Mërgime Shala, Erza Shehu, Liridone Shala, Doruntina Zeqiri dhe, Gaculina Ajazi. Paraqitja e tyre ishte një porosi e veçantë se, edhe fëmijët e diasporës shqiptare që gati janë harruar nga shteti amë, që injorohen nga pseudo intelektual dhe televizione shqiptare, ata dinë dhe mund ta kultivojnë folklorin, trashëgimin tonë kulturore dhe nuk e harrojnë gjenezën e tyre.

Mërgimja, Erza, Liridona, Doruntina dhe Gaculina luajnë vallen “Vallja e pavarësisë”