Sami Islami: Zgjedhjet ''demokratike''

Sami ISLAMI

ZGJEDHJET „DEMOKRATIKE“

Më parë 15 nëntorët
Nuk më zgjonin interesim...
Por të sivjetmin e kam pritur
Vërtetë me padurim.

Jo edhe aq,
Se cila parti
Do të fitonte
Që ta “shpëtonte” komunën , Kosovën...
Njëkohësisht
Po që nga shamata…
Veshët e mi, të më pushonin
Seriozisht..

Reklama zgjedhore,
Debate zgjedhore,
Premtime astronomike,
Rrena klasike.
E çka jo ?
Dëgjuam në fushatën e parë
Në Kosovën e pavarur...
E „demokratike“!

Njëri premtonte
Vende pune sa të duash
Si në qytet
Katund...
A në fushë...

Tjetrit i dukej
Se po i vinte „vera kah dera“
Dhe filloi të premtonte
Për të gjithë arsimtarët
Kompjutera!

Edhe kryeministri
Në disa komuna tona
Premtonte investime
Me dhjetra miliona!

Po „shyqyr“ fushata zgjedhore
Përfundoi
Dhe dhembja e kokës sime
Më në fund…
Pushoi.

Po nuk di
Vallë, nga të gjitha këto premtime
Që u dhanë.
A pati ndonjë lider të premtonte
Aeroplanë!?

Zemra Shqiptare

Sami Islami: Zgjedhjet ''demokratike''