Poezi nga Ekrem Ajruli

Ekrem Ajruli

po e zi

Maratona

Vraponi për post
Burra o burra
Për fronin e butë
Ndroni shtatë lëkura

Vehuni në gara
Dijetar bixhozxhi
Ta zbukurojmë fronin
Me një bozaxhi

Nuk lyp qeveria
Burra të dyfekut
Kuvendit i duhen
Tëhollues të burekut

S’i duhen miletit
Burra për pleqëni
Deputet bëhet
Dhe një tatlixhi

Hallet sot
që i ka vatani
I zgjidh me lehtësi
Dhe zotëri nallbani

Ndaj u bëj apel
Mos e çajmë gurmazin
Por me dinjitet
Ta zgjedhim matrapazin

Punët tona
Mbarë do t’ecin
Po ia ofruam në ndihmë
Agapijanecin

Pasi t'gjithë vijnë
Nga sistem i vjetër
T’mos lodhemi kot
Të formojmë klan tjetër

Stacione kozmike

Këto ditë nëntori
Kudo shi e mjegull
Na habit e thëna
Se rritet bostani
Sot edhe në pjergull
Stolisen rrugët
Me pano e pllakate
Thurren fjalë të mëdha
Dhe premtime bajate
Gjatë fushatës shtrohen
Linja telefonike
Në ca komuna rurale
Ngrihen stacione kozmike
Truri po të ikë
Pak nga kontrolla
Gjason që hardhia
N’vend të rrushit
Të bëj molla
Të gjithë fjalëmëdhenjtë
Rrahin gjoks në shesh
Sa ulen në kolltuk
Veshët i shtinë n'lesh

Zemra Shqiptare

Poezi nga Ekrem Ajruli