Arsim Halili: Plejadë pavdekësie

Zemra Shqiptare

https://www.zemrashqiptare.net/

Arsim Halili

PLEJADË PAVDEKËSIE
(Dëshmorit Artan Abazit)

Lindi një zemër mal
Etjen e kësaj toke shuajti me gjak

Deri në pikë të fundit
Bishat nuk ngopën dot

Eshtrat thurrin barrikadë
S’ka hyrje dalje për korbëzinjtë

Acari i motit të kuqërremtë
Sjell diell në bardhësinë e borës

Emri Yt qëndron krenar në lindje
Epitafi mbron kufirin në perëndim
Në mes kufijëve ruhen kujtimet

Plejadë pavdekësie ...