Kulturë

Poezi nga Dibran Demaku

E shtune, 10.10.2009, 07:55 PM

Dibran Demaku

ANI KOSOVE ANI

Ani Kosovë ani
dikush të erresonte qiellin
ti kërkoje diellin
dikush të errësonte hënën
ti kërkoje nënën
nënë që të lindi
po që nuk të rriti

Ani Kosovë ani
ata të rripnin shtatin
Ti kërkoje fatin
ata të zinin pritën
Ti gjakoje dritën
ata të vrisnin ëndrrën
T këndoje këngën

Ani Kosovë ani
Ti lot i qiellit
Ti rreze e diellit
Ti lule e prillit
Ti shkëlqim i yllit
Ti jehonë e fyellit

Ani Kosovë ani
në shekuj brenga e halle
i munde me këngë-valle
një Ushtri e rrite
krenarinë e ngrite
tek fusha tek mali
rojë vajza-djali

Ani Kosovë ani
Ti rrjedhë e Drinit
Plis i Boletinit
Ti lule e fushës
Ujëvarë e Mirushës
ke hyrë thellë në zemër
një këngë e një emër

Ani Kosovë ani
Ti do i dridhësh detet
do i takosh planetet
në këtë Stinë të madhe
do ngritesh shkallë-shkallë
me diell në dorë
me diell në ballë

ANI BACE ANI
(Adem Demacit)

Ani Bacë ani
Kush më shumë se ti
luftoi padrejtësinë
kush më shumë se ti
e deshi lirinë
lirinë e kësaj toke
Kosovës NënëLoke

Ani Bacë ani
Ti ëndërroje Nënën
dikush të dëshironte gjëmën
Ti ëndërroje dritën
dikush të zinte pritën
Ti thoje të vërtetën
dikush të errësonte jetën

Ani Bacë ani
Ti bekim i nënës
Ti dritë e hënës
Ti dritë e diellit
kaltërsi e qiellit
më i madh me emër
Kombit-dritë në zemër

Ani Bacë ani
le të lehin qen?e
njerëzit sa një trohë
ata lindin rriten
në kohë të pa kohë
gjurmët shpejt i fshehin
vetëm hije mbesin

Ani bacë ani
nëpër shekuj drite
nëpër shekuj rrite
emri yt krenar
në piedestal
rreze drite n`qiell
Lis i drejtë në mal

ANI LEGJENDE ANI

(Adem Jasharit)

Ani Legjendë ani
Ti ishe lindur
në një ditë të madhe
në një shtëpi guri
në një kënd t`atdheut
gjysma e atdheut
jetonte me halle
pa këngë e pa flamur
të Skënderbeut

Ani Legjendë ani
Ti ishe rritur
me këngë atdhetare
e këngët e trimave
i ruaje në gji
dhe ishe betuar
në besën shqiptare
pjesës së robëruar
t`i sjellësh liri

Ani Legjendë ani
Ti ishe betuar
në tokë të Drenicës
në gërshetin e luftërave
të Shotë Galicës
në amanetin e Azemit
nëpër shtigje rrite
O,prite Azem Galicën
prite!

Ani Legjendë ani
Me shokë të luftës
gjithmonë dorë për dore
një ushtri i ngrite
dhe u vure n`ballë
gjithnjë i pari
në beteja-fitore
Agimi i diellit
të ngriti përmenore
gjithmonë i buzëqeshur
gjithmonë i gjallë

Ani Legjendë ani
Ti je liria
e fushës dhe e malit
Ti je krenaria
e vajzës dhe e djalit
Ti je buzëqeshja
e nënës dhe e fëmijës
Ti je drita
e detit dhe e tokës
Ti je Lulëkuqja
më e bukur e Kosovës

ANI IM BIR ANI
(Drilonit,Dardanit)

Ani im bir ani
fjalët janë të tepërta
përpara dëshirës
asaj më të madhes
asaj më të mirës
se dheu i babait
e dheu i nënës
është rreze e diellit
është dritë e hënës

Ani im bir ani
kurrë mos i harro
gurët e votrës
as lulet e atdheut
as sytë e motrës
as Ujëvaret e Mirushës
as këngët e Drenushës
as valët e Drinit
as plisin e Boletinit

Ani im bir ani
nëpër paralele
e nëpër meridiane
merre gjithnjë me vete
zërin e një Nëne
merre me vete
dhe tingujt e fyellit
një rreze dielli
nga anë e Lindjes
kurrë mos e harro
Tokën e vendlindjes

Ani im bir ani
kur të lëvdërojnë
mos u gëzo
kur të fyejnë
mos u hidhëro
në luftë me jetën
trimërisht guxo
ndër kundërshtime
krenar qëndro
rrezet e lirisë
gjithmonë gjako

Ani im bir ani
kudo të kalosh
në tokë e dete
gjuhën tënde
ta ruash në vete
ti do të mësosh
dhe gjuhë të tjera
veë gjuhë e nënës
është si pranvera
të ngrohë në zemër
si në gusht vera

Ani im bir ani
Ti dritë e diellit
Ti dritë e hënës
gjithmonë krenohu
me gjuhën e nënës
e këshillat e të Urtit
të thëna kur e kur
t`i ruash në zemër
t`i kesh flamur.

(Vota: 11 . Mesatare: 5/5)