Luan Çipi: Një kërkesë e shokut tim (Poezi)

Luan Çipi

NJË KËRKESË E SHOKUT TIM

I ngelur vejan, mjerani,
Në kërkim për më mirë,
Morri pozicion jarani
Për të shprehur një dëshirë .

E gjykoi se nuk gaboi,
Mendoi se ish i vyer
Guxoi e dikë takoi
Bisedoi, me zemër thyer :

“Ti, e vetme, unë, i vetëm
Cfilitemi e vuajmë shumë,
Pse mos ta bashkojmë jetën,
Ta kalojmë në va një lum?”

Takimi qe i papritur
Mu duk se bëra gabim,
Po, ne jemi fort të ritur
Thjesht kërkova bashkjetim.

Tani, që ngela zhgënjyer,
Herë në kengë e herë në vaj,
Më duket se jam i fyer
Dëshpërohem e sa s’qaj.

Po, dy vargje për ty dua
Brenda vehtes mos ti mbaj :
“-As më thua, ç’ke me mua,
Pse të desha, paskam faj?”

Vlorë, 09.09.09

Zemra Shqiptare

Luan Çipi: Një kërkesë e shokut tim (Poezi)