Albina Idrizi: Akoma kërkoj

Albina IDRIZI

AKOMA KERKOJ

Në çdo fillimditë
Sapo mbi qepalla zbret
E mrekullueshmja aurorë
Në çdo fundnatë
Kur pasqyra më
Nuk më sheh si më parë
Nis e nuk merr fund
Kërkimi im për ty
Pjesë imja, jetë
Emër, dashuri
Ngelur kutadish
Nëpër çfarë të rreme histori
E di, ti je diku
Thellësive të kësaj nëntoke
Apo, gjymtyrëve të lidhura
Përqafimit të ndaluar
Mund të jesh edhe
Eshtrave të paditur
Nga hadi kthyer
Lënë pas të zitë
Për të zezën e tyre
Po unë s do ndalem kurrë
Do të kërkoj
Për pa u bërë bashkë
Një jetë, një emër, një dashuri
S’ mund prehem
As pushoj.

Zemra Shqiptare

Albina Idrizi: Akoma kërkoj