Mexhid Yvejsi: Zoti është një

Zemra Shqiptare

https://www.zemrashqiptare.net/

Mexhid YVEJSI, Gjakovë

ZOTI ËSHTË NJË

Për çdo t’lumën ditë

Si me qenë n’pazar

Dëgjohet ndër shqiptarë

Një fjalë me zarar:

Zoti kryetar,

Zoti kryeministër,

Zoti minister,

Zoti deputet,

Zoti drejtor,

Zoti filani…

Me fytyrë insani

Sa m’u habitë

Dreqi, shejtani!

Sa pak shqiptarë,

Sa shumë hyjni!

A ka gjuhëtarë,

E shkreta Kosovë!?

E mjera Shqipni!?

Është një Zot,

ZOTI ËSHTË NJË.