Engjëll Fino: Shqipe mali, thesar nga tabani
| E Diel, 12.08.2018, 08:03 AM |

Engjëll Fino

 

Shqipe mali, thesar nga tabani

 

(Dëshmorit Agron Dragoj)

 

Në Zhepovë të Deshnicës

Ku shqiponjat kanë folenë,

U ndez një yll drite

Si kështjella me bedena.

 

Ndrit’ shtëpia e Dragoj

Si hëna që ndiçon malet,

Atje lindi Agron zambaku

Trimi që sfidoj tufanet.

 

Kaluan vite e dekada

U rrit djali, u bë burrë;

Atdhetar me gjak shqiptari

Tallazet s’e ulën kurrë!

 

Ja erdhi një ditë e bukur

U vendos demokracia,

Gëzoi me shokë Agroni

Me syrin tek Liria!

 

Me shërbin ushtarak

Vulos betimin Agroni,

Në vitin ‘’97- të

U bë barrikadë betoni

 

Njëzet vejeç ai mbushi

Ushtarak me forcë burri;

U ndesh me bandën mizore

Kërcënimi kurrë se përkuli.

 

Betimin ndaj atdheut

Me jetë trimi e vulosi,

Kur mori plumbin sorkalli

Rroftë atdheu, thirri kollosi.

 

E ngriti më lart lavdinë

Të familjes atdhetare,

Shkroj emrin e nderit

Në luginën Deshnicare.

 

Po të ishin sot në jetë

Nënë Mineja e gjysh Asllani;

Do ta mbulonin fisnikun

Me urata, ligjërim  tabani.

 

Krenar Medineja e Zaimi

Për të birin shqipe mali,

Flasin me brezat e rinj

Të tillë trima do vatani.

 

Motrat, hallat e gjithë fisi

Kur ra trimi u lënduan;

Në shpirt e kanë të gjallë

Se atdheun e nderuan.

 

Prindërit e tij fisnik

Kryelart sot jetojnë,

Se themelet e atdheut,

Si yll Gonia ndriçuarë.

 

Agron Dragoj, shqipe mali

Yll mbi atdhe do ndrisë,

Shkroi me gjak emrin e nderit

Në pentaonin e lavdisë.

 

Lapidar në mes Zhepovës

Vezullon për mbi Deshnicë,

Do ndriçojë nëpër shekuj

Agroni fanar plot dritë.

 

Përmeti e ka të gjallë

Nga Çarshova në Ballaban;

Nga Dangëllia e Këlcyrë

Është thesar me taban.

 

Gjirokastër,7 Gusht 2018

 



(Vota: 0)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: