Vjollca Pasku: Mendo për mua
| E Merkure, 04.07.2018, 08:04 PM |

Vjollca Tiku Pasku

 

MENDO PËR MUA

 

Ti thua,'mendo për mua!'

kur sëbashku ndiqnim

rrjedhën e lumit,

me vetulla algash

ku zhurmonte i dëshiruar,

edhe për një rrjedhë,

të arrinte të derdhej në det.

 

Ti thua'mendo për mua!'

kur dëgjonim erën,

që luante me gjethet,

si në pianon e natyrës,

me melodinë e paqes

së shpirtrave tanë...

 

Ti thua 'mendo për mua!'

kur në hapsirën e qiellit

shkelnim unë reja dhe ti dielli

ngrohtësinë e dorës ,

e ruajmë bashkuar

për në fluturime të tjera.

 

Ti thua'mendo për mua!'

kur dielli nuk shuhet

nga stuhitë e ndryshku

në cep të qiellit,

se më pas vesh dandellën

me më shumë dritë...

 

Mendoj për ty,

ndaj nuk dua të shoh sytë trishtuar

çdo herë që ti ngre sytë lartë në qiell..

Hëna e bardhë të dhëntë  gëzim,

e në qoftë errësirë,

çdo yll i kuq të faltë,

një lule në emrin tim!...



(Vota: 0)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: