Demir Krasniqi: Skënderbeu në këngët tona
| E Merkure, 13.06.2018, 07:33 PM |

550 vjet :

SKËNDERBEU NË KËNGËT TONA POPULLORE

 

KUSHTRIMI I SKËNDERBEUT

 

Frynë murrlani me stuhi –

Qielli ç’ bubullinte ;

Nën flamurin kuq e zi ,

Çetës po i printe !

Refreni:

Hej, trim, o Skënderbe ,

O, krenari shqiptar-e ;

Për t’ çliru’  atdhe’n 

Luftë ke nisë ma i parë – e !

 

Dyzet trima si shqiponja ,

Kaluan shpatit , shkonin ;

Bashkë me trimin Skënderbe –

Turkun ta luftonin !

Refreni:

Hej, trim, o Skënderbe ...etj.

 

Si rrufe u hap kushtrimi ,

Kudo ndër shqiptar – e –

S’ durojmë prangat e robërimit ,

Për pa vdekë ma par – e !

Refreni:

Hej, trim, o Skënderbe ...etj.

 

( Recitativo – femër ):

-Po ku jeni nisë, o burra ?

( Burrat ):

- Vendin ta çlirojmë !

(Femra ):

-Qe besa. Më merrni edhe mua ,

Se ma kështu s’ mund të durojmë !

 

Grupi :

T’ japim fjalën t’ gjithë sa jemi ,

Trim, o Skënderbe –

Për Liri dhe për Atdhe ,

Vdesim si me le !

Refreni:

Hej, trim, o Skënderbe ...etj.

 

SKËNDERBEU – GJERGJ KASTRIOTI

 

Kush qe ai trim ma i zoti ?

Skënderbeu – Gjergj Kastrioti !

Skënderbeu – Gjergj Kastrioti ,

Of, aman, aman, aman – e ,

O, për dorën – e ,

Për shpatën tande,

Aman, aman- e !

 

Çka ka bjeshka që po dridhet ?

Skënderbeu në to po ngjitet !

Skënderbeu në to po ngjitet ,

Of, aman, aman, aman- e ,

O , për turqit – e ,

Për kokën e tyre ,

Aman, aman – e !

 

Çka ka Pasha , që po kjan – e ?

Skënderbeu , o , fjalë po i çon- e !

Skënderbeu , o, fjalë po i çon- e ,

Of, aman, aman, aman- e ,

O, për turqit – e ,

Për kokën e Pashës ,

Aman, aman- e !

 

Jepi ujë, o, me dorën tande ,

Ti, moj vasha , o, përmetare !

Ti , moj vasha , o, përmetare ,

Of, aman, aman, aman – e ,

O , për belin – e ,

Për kokën tande,

Aman, aman- e !

 

SKËNDERBEU KE GURI I VASHËS

 

Çoj selam , ai Sulltan Murati –

Tanë ordinë të ma bani gati ,

Nën komandën e Dervish Pashës ,

Me luftu’ , o, ke Guri i Vashës !

Nisen t’ rijë , o, tha , pleqë nizame –

S’ lanë xhamia pa falë akshame !

Nuk lanë lutje , o, pa i ba Zotit –

Me zhdukë racën e Kastriotit !

 

Mu n’ Varosh , o ke Guri i Vashës –

Buçet turma fashiste turke !

Shtyhen forcat , o, prej ushtris- e ,

Thyhen trupat , o, të Turqis- e !

Skënderbeu , me shpatë në dorë – e ,

Paska dalë, o, ke Guri i Vashës ,

Çka po i thojka , bre, Dervish Pashës –

Po m’ ia ngrihka dyzgjijtë e atit ,

Shumë selam t’ mi bajshë Sulltan Muratit !

 

Thujë sa do , o, me shumë taborre ,

Se n’ Varosh , krejt kam me i mbjellë n’ vorre !

Se me gjak , o, t’ Anadollakut –

Ka me u skuqë dhe Lugina e Matit !

Kush asht ai, o, që do t’ guxoj- e ,

Vendin tonë , që do ta sulmoj- e –

Ka me ikë, o, si këlysh  zagari ,

Se me gjak , o, e mbjell shqiptari !

 

ME SHPATË NË DORË KUSH PRIU I PARI

 

O, me shpatë n’ dorë kush priu i pari ?

Skënderbeu , ai burrë shqiptari !

Asht i lemë n’ atë trimen Krujë –

E ,  nuk duroi , o, ta shkelë , o, i hujë !

 

O, qysh se t’ vogël, o, tetëvjeçarë –

Turqt  me veti , o, e kanë marrë ,

Me e lujtë shpatën , o, e kanë mësu’ ,

O, veç për turq , more, me luftu’ !

 

O, kur u rrit , e çuen ushtarë –

E graduen , e banë të parë !

I duel zani , o, në Ballkan –

E , tuj luftu’  , more, si luan !

 

O, nanë e babë, more, edhe motër –

Po i çojnë letër , o, djalit t’ vogël !

T’ fala me sh’ndet , selam po i çojnë –

E , mos harro , biro, vendin tand !

 

O, kur e muer atë letër t’ mallit –

Po i kujtohen fjalët e plakut ,

Kur ia thojke rreth oxhakut ,

Kur ia thojke , o, baba i tij :

“O, ma mirë dekë , se i gjallë n’ robni!”

O, atëherë lotët po i shkojnë si gurra ,

Fjalë Sulltanit , po i çon me turra :

“Dy vllazni , more, pre m’i  ki –

E, tash po kthehem , o, për Shqipni !

 

O, kur ia thanë , more , fjalët Sulltanit –

Fort i briti , ai, Ballabanit :

“Shumë ushtri në Krujë me i çu’ –

E, t’ gjallë , a t’ vdektë Gjergjin ta du’ !”...

 

BINI DJEMT E KASTRIOTIT

 

N’ maje t’ malit , n’ matan bregut –

Luftoi çeta e Skënderbeut !

Refreni:

Bini djemtë e Kastriotit ,

Syni i shqipes , besa e Zotit !

 

N’ maje t’ majës , n’ maje t’ gurit –

Luftoi çeta e Bajram Currit !

Refreni:

Bini djemtë e Kastriotit ,

Syni i shqipes , besa e Zotit !

 

N’ maje t’ majës s’ Qyqavicës –

Luftoi çeta e Azem Galicës !

Refreni:

Bini djemtë e Kastriotit ,

Syni i shqipes , besa e Zotit !

 

Recitativo :

O, flamuri kuq e zi ,

Që valon nëpër Shqipni ,

Fort po t’ lutë Sharr e Rugovë –

Të valojsh nëpër Kosovë !

Refreni:

Bini djemtë e Kastriotit ,

Syni i shqipes , besa e Zotit !

 

HEJ KY SKËNDERBEU

 

Hej, ky Skënderbeu ,

Lufton si lua ;

Veshun duel Sulltani –

Krujën , o, rrafsh me e ba !

 

Hiq Sulltan  taborët –

S’ t’ falet Kruja kurrë !

Skënderbe krutani –

Lufton në shkamb me gurë !

Refreni:

Hej, hej ! Skënderbeu vërsulet ,

Rrufe shpata e tij ;

Padishah Murat , o,

Ne do t’ bajmë liri !

 

Atje nga Malësia ,

Bota banë çudi –

Kush e vret Skënderin

Me bashkë malësorët e tij ?!

 

Kur tani Stambolli ,

Në agim të vet ;

Atje ku kënduan , o,

Padishah , mos tret !

Refreni:

Hej, hej ! Skënderbeu vërsulet ...etj.

 

KANGA E SKËNDERBEUT

 

Trim i madh , o Skënderbe ,

Por sa linde e i çele sytë –

N’ vatrën tënde shkrepi dritë ,

Sikur rrezja e parë e Diellit ,

Që i bien bjeshkës e i bien qiellit !

 

T’ ndanë prej nënës – t’ vajtoi motra ,

Bashkë me vëllezër t’ ndanë nga vatra !

Me njatë  urdhër t’ Otomanit –

Shumë shërbeve n’ tokë t’ Sulltanit ,

Duke u djegë për Diell t’ Vatanit !

 

Trim i madh , ti kur u bëre –

Bota ndjeu për fuqinë tënde !

Male e fusha , ti kalove –

Marrshin tënd , kush s’ mund e ndali ,

Erdhe n’ Krujë si shqiponjë mali !

 

T’ priten sulme ma t’ vështira ,

Mbrapa ktheve shumë ushtri !...

Nam po bëjnë do shqipe t’ lira –

Si rrufe n’ zemër t’ Ballkanit ,

Që s’ duan t’ lanë Atdhe n’ robëri !

 

Tash kremtojmë 500 – vjetorin ,

Qysh se vdiqe , o drangua –

N’ zemrat tona t’ kem ngujua !

Nuk t’ plakë koha , nuk t’ plakë moti –

Kurrë nuk vdes Gjergj Kastrioti !

 

KËNGË PËR SKËNDERBEUN

 

Trim i dashur dhe i parë ,

Trimi Skënderbe ;

Natë e ditë luftoi pa pra –

Tigër ndër bete !

 

Prinë përpara me fuqi ,

Trimi legjendar ;

Me flamurin kuq e zi –

Bini bajraktarë !

 

Me kangë t’ bukura do t’ kujtojmë ,

Trim , o Skënderbe !

Emnin tand s’ do ta harrojmë ,

Që kujtim na e le !

 

O KRYETRIMI I SHQIPTARISË

 

O, kryetrimi i shqiptarisë –

Ja le namin krejt Turqisë !

E kjo ke mretni e madhe –

Skënderbeu i duel për ballë !

Qysh të vogël e kanë robnue –

Me vëlla t’ madh larg e kanë que !

Vëllaun e madh ia kanë helmue ,

Thanë :”Këta t’ voglin domë me e mësue !”...

Ky Shqypninë ka me e harrue –

Tash për turq ka me luftue !

Del i mirë  se asht i rodit –

Asht i biri i  Gjon Kastriotit !

Nana e vet m’i ka thanë –

Dert mos kije për babë e nanë ,

Mos harro kurrë vendin tanë !

Për mirë  zanin ta kemi ni’ –

Në çdo luftë ke korrë trimni !

Në dyluftime je kanë bujarë –

Kha po gëzohen këta shqiptarë !

Sod për sod kemi marue –

Gjithkah turqit na kanë kaplue !

Shqiptar emën zor me ni’ –

Ata turqi osmanli !

Emnin Gjergj , bir ta kanë hjekë –

Ta dhanë emnin Skënderbeg !

Me lujtë shpatën , ty t’ kanë mësue –

Veç për turqit, ti me luftue !

Nana n’ letër t’ ka pas shkrue –

Kurrë Shqypninë mos me e harrue !

Shumë luftimet ky i bani –

E deshti turku dhe Sulltani ,

Skënderbeut po i ndihet zani !

Larg po i ndihet zani i tij –

Ka dalë trim për mrekulli !

Kur ia mrrini kulmin trimnisë –

Deshti me u nda prej Turqisë !

-Nuk jam turk Anadolli –

Jam shqiptar i lemë n’ Shqypni !

-Shpejt fermanin me ma dhanë –

Qysh se moti m’ ke pas thanë !

Në dyluftime ta kam ruejt vatanin –

M’ ke pas thanë ta jap fermanin !...

Hiq s’i  lake me u mendue –

S’ patën qare pa ia lëshue !

Njeu Sulltani e ish idhnue –

Shumë ushtri n’ Shqypni ka que !

Kush po i pret gjithë  këtë ushtri –

Skënderbeu me shokët e tij !

U nis beteja  e haj medet –

Po flakërojnë shpatat përpjetë !

Zdritke nata , si t’ ish Dielli –

Bash si t’ bijshin gacat prej qiellit !

Dhamtë e Gjergjit qitshin gaca –

Për dy anët po i prejke shpata !

Skënderbeg , he trim i parë –

Sulm po banë me pak shqiptarë !

Shkojke gjaku bash si lumi –

Ja dha naltë deri te guni !

Lumi i gjakut tuj u shtue –

Nisen turqit me u frigue !

Nisen turqit tanë  me ikë –

Shumë janë pre , në gjak janë mytë !

Vetojnë shpatat si vetima –

Nja mbi nja na rajshin trimat !

Skënderbeg , he mrekulli –

S’e  harrove këtë Shqypni !

Ruejte kombin e shqiptarisë –

Në fletë t’ parë të historisë !

 

VDEKJA E SKËNDERBEUT

 

Kah tregu nji brimë u ndie ,

Që shkoi tue shtue mënerën ,

Ndër zemra e ndër pallate .

 

Ishte Lekë Dukagjini –

Ballin përpiqte me i  dorë,

Ndukte leshin me tjetrën !

 

“Trandu Arbëri –

Jeta na u err për ne ,

Skënderbeu s’ asht ma !

 

Eni zoja e bujarë ,

Eni të vapshta e ushtarë ,

Eni kjani me idhnim .

 

Sot të varfën metët ,

Pa tatë që ju këshillonte ,

Ju këshillonte –  i zbatoshi .

 

Ndien shpijat e u trandën ,

Ndien malet e u ndanë ,

Shkrepat mbi kroje ranë .

 

Kumbonaret e kishave –

Xunë me tingllue së vedi !

 

***** Mblodhi , shënoi dhe i rikëndoi : Demir Krasniqi .



(Vota: 1)

Komentoni
Emri:
Emaili:
Kodi i sigurise:
Titulli:
Komenti: