Jusuf Zenunaj: O i çmendur!
| E Diel, 10.06.2018, 10:38 AM |

Jusuf Zenunaj

 

O I ÇMENDUR!

 

O i çmendur

që emrin s'mund të ta them dot,

i fêlliqur sikur dje, je edhe sot e mot !

Nga ç'tharem je gatuar ?

Në ç' furrê je pjekur,

as për ku ushqehet miza

emrin tënd vend s'i ka mbetur ? !

Me shokët sikur veten

me turp s'e mbuloni të vërtetën !

Heroi i të gjitha kohëve

Gjergji i Kastriotëve ju pengon,

se edhe me emrin Skënderbe

edhe në shkrepa gjallon ..

J.Z. 9 qershor 2018

 

 

FJALORIËT E KUVENDEVE TONA

 

Fjaloriët e kuvendeve tona,

Prishtinë e Tiranë

me fjalë sharje-fyerje

të pasura janë.

Sikur paradite

ashtu në orët e vona

nuk i mund ezani,

nuk i mposhtë këmbana.

Partia me partinë

si t' ishin në armiqësi,

çfarë sheh në Kosovë

e ke në Shqipëri..

 

 

ME MENDJE NË BUXHET

 

Delegacioni i deputetëve

të Kuvendit të Kosovës

trup e trup Gjakovës,

Kukës e deri në Tiranë

këtë rrugë të gjatë

me mund kalon !?

Thonë se hoqi keq

se për buxhet mendoi,

vetëm për dy ditë

7500 euro mezi harxhoi.

Edhe në Samitin e Sofijes

kryetari e kryeministri

prapë menduan për buxhetin,

nuk vajtën vetëm.

S'ishin as shtatë a tetë,

por mbi 60.

Kohë mbas kohe

u letësohet dita,

u letësohet nata

me dreka e me darka..

J.Z. 2 qershor 2018

 

 

MIZAT I KANË MARRË VIZAT

 

Pyesin e pyesin njerëzit

ku kanë ngelur vizat ?

Dikush thotë : "

"..i kanë marrë mizat ".

Mizat edhe krimbat

kanë zënë vend në pushtet,

larvat i kanë lëshuar

në tokë e në det.

Pluhuri i politikës

i bartë nëpër kohë,

shtohen nëpër shigje,

lëvizin pa dro.

J.Z. 21 maj 2018



(Vota: 1)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: