Demir Krasniqi: Krojet e Gollakut
| E Enjte, 10.05.2018, 08:00 PM |

KROJET E GOLLAKUT

 

Në Gollak , o,  në ato troje ,

Stinë pas stine , o,  mot pas moti –

Ka burime , o,  nëpër kroje ,

Me ujë t’ pastër , o, t’ kthjelltë si loti !

 

Ujë i  freskët , o,  me lezet –e,

Gjithë ka rrjedhë , o,  në këto burime !

Kush e piftë , o,  iu bëftë shëndet – e,

Iu zgjatë jeta , o,  me gëzime !

 

Kush donë ujë , o,  me pi , me u kënaqë ,

Me i pastrua venat e gjakut –

Shkon te Gurra , o,  në Jallaqë ,

Shijon ujin , o,  e Gollakut !

 

Në Tugjec , o, kush ngjitet brisë ,

Për të pirë , o,  ujë të Gollakut –

Shkon te Kroi , o , i Kadrisë ,

I mbushë kënatat , o, e konakut !

 

Kush donë Zotit ,  t’ i falet nderit ,

Për shumë t’ mira , o,  veç e veç –

Shkon pinë ujë , o,  n’ Krua  t’ Asqerit ,

N’ mëhallë t’ Kurtit , o,  në Tugjec !

 

Kush donë ujë , o, me vlera ari ,

Që s’ peshohen , o,  me dërhem –

N’ Tugjec pinë , o,  ujë Te Bunari ,

Aty është , o,  katundi i jem !

 

Kush donë t’ sheh , o, burra t’ Gollakut ,

Njerëz bujarë ,o,  me  zemër trimi –

Shkon pinë ujë , o,  n’ Gurrë të Novakut ,

Për t’u rritë , o,  me  ujë burimi !

 

Kush donë t’ sheh , o, yje t’ mëngjesit ,

Ato yje që shkrepin dritë –

Shkon pinë ujë , o, n’ Krua t’ Zajçecit ,

N’ lumturi , o, ka  me u rritë !

 

Kush donë jetë , o, n’ maje kodrinave ,

Në Gollak , o,  ta ngritë ndo i vilë –

Shkon pinë ujë , o,  n’ Krua t’ Dafinave ,

Atje n’ fshatin , o,  Hajkobillë !


Kush ua donë t’ mirën  vendalive

Dhe familjen ta ketë shëndosh –

Shkon te Kroi i Vllasalive ,

I mbushë kënatat , o, s’i  lenë bosh !

 

Kush nuk donë  t’ i  nënshtrohet frikës ,

Të jetojë , o,  nën robëri –

Shkon pinë ujë , o, te Kroi i Kikës ,

Zemra i mbushet plot trimëri !

 

Kush ia dinë , o, shijen bakllavës

Dhe  ushqimeve  veç e veç –

Shkon pinë ujë n’ Çubure t’ Pogllavlës ,

Kurrë në jetë  nuk  do t’ veprojë keq !

 

Kush nuk  do , o, t’ ketë frikë prej dacit ,

T’ frymojë  lirshëm , t’i  bie mezhnicës –

Shkon pinë ujë , o, n’ Gurrë të Capacit ,

N’ ato kodra , në  fshat të Gëmicës !

 

Sa herë n’ jetë , o,  kujtoj Gollakun –

Kujtoj luftërat  e  vatrat trime !...

Kurrë nuk dua  , që t’ia ha hakun –

Kjo malësi , o,  ka shumë burime !

 

Gjilan, më 07.04.2018.  Demir KRASNIQI



(Vota: 2 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti: