Vjollca Pasku: Ti di të më duash thjeshtë
| E Hene, 16.04.2018, 07:37 PM |

Vjollca Tiku Pasku

 

TI DI TË MË DUASH THJESHTË

 

Çasti i lumturisë ka ardhur,

dashuria ime puthmi sytë!...

Ti më shih lotët  e rrumbullakosur

ku ka pasion dhe një pëshpërimë:

"Të dua, të dua , të dua…shpirt,,. "

Ti vjen  mi mbledh lotët me pëllëmbë

I puth me buzët e tua diellore,

avuj fluturash ngrihen lart

formojne ëndrrat e bukura në jetë.

 

Çasti i lumturisë ka ardhur,

qielli mban miliarda yje një çast,

si mbaj unë pasurinë e dashurisë.

Ti di të më duash thjeshtë,

pa stoli të rreme,

unë të dua si drita e diamantit

ku më përcjell  ngjyrat e botës e qiellit

të dashurisë

dhe në një hark ylberi  të krahut tënd

më fton  të fle ngrohtë.

 

Çasti i lumturisë ka ardhur,

fati i shkruar në pergamenin e ditës së lindjes

librat ku bilbilat mësojnë të këndojnë,

mirazhet ku lulet mësojnë të puthin me erë,

më mësuan se

engjëlli i dashurise

ngjit në parajsë  dy zemra.



(Vota: 6 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti: