Sejdi Berisha: Sonte në sofrën tonë
| E Marte, 02.01.2018, 10:32 AM |

Sejdi BERISHA:

 

Në vend të urimit për festën e Vitit të Ri 2018

 

SONTE NË SOFRËN TONË...!

 

Sonte

Do zbresin yjet

Në sofrën tonë të bardhë

Do festojmë së bashku

 

Në sofër nuk do ketë

As bukë as ëmbëlsira

Do ketë buzëqeshje

Edhe ëndrra e dëshira

Të dhjetë engjëjve

Të babait të tyre

Me fytyrë plotë të çara toke

Të nënës

 

Që gjinjtë ende i ka plot qumësht

Me ta engjëjt rritë i ka

Se buka ishte dhe mbeti luks

 

Sonte

Në sofrën tonë

Yjet do zbresin

 

Sonte

Vetëm Migjenin

Mysafir do ta kemi

Tërë natën

Me Lulin e Vocërr

Engjëjt do na i dëfrejë

 

Sonte

Aheng do kemi

Për vitin që vjen...

 

(31 dhjetor 2017)



(Vota: 7 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti: