Ramiz Lushaj: Lule nga Amerika tek shtatorja e Hajdarit
| E Diel, 05.11.2017, 10:45 AM |

NJË KURORË ME LULE NGA AMERIKA TEK SHTATORJA E AZEM HAJDARIT NË TROPOJË

Nga Ramiz LUSHAJ

Në Ditën e përurimit të Shtatores së Azem Hajdarit në Tropojë, më 27 tetor 2017, u vendosen  dy kurora pranë njëra-tjetres në ballë të piedestalit. Ato ia rritën ceremonialitetin eventit kombëtar panshqiptar të përurimit  dhe ia shtonin ma shumë e ma mirë bukurinë shtatores monumentale dhe kujtdo si bante foto e video e foto aty.

Njëra nga kurorat ishte e Demë Balidemaj, e Familjes së tij në Amerikë, e cila u vendue aty “Në respekt të Heroit të Demokracisë, Azem Hajdari”.

Demë Balidemaj është  i martinas nga Plavë-Gucia, qytetar dinjitar shqiptaro-amerikan, pronar i njohur i bar-restorantit “Old Fulton Restaurant”, skej një lumi e afër selisë të OKB në Nju Jork. Ai është kushëri i afërt i zonjës Liri Berisha – ish Zonja e Parë e Shqipërisë, bashkëshorte dinjitare e liderit historik të shqiptarëve, prof. dr. Sali Berishës.

Një nga biznesmenët kombetar, qytetar, bukepaster, bajemirë. Dema ka dhanë gjithato ndihma, dashuri e mirënjohje, bile ma shumë se ai ka marrë nga të tjerët.

Kur Presidenti i Shqipërisë,Sali Berisha, bani të parën vizitë shtetërore në Amerikë Dema organizoi një festë dhe, sic shkruanin mediat, e ktheu Brooklynin e Nju Jorkut, në një “qytet shqiptar”.

Në dimër 2003, kur fola nga Amerika në Francë me lartësinë kombëtare Ismail Kadare m’u shpreh se Demë Balidemajn e ka “mik të mirë të familjes së tij”.

I ndritshmi Agim Karagjozi, kryetari i Federatës Panshqiptare “Vatra” më pati thanë në zyrën e tij (2003) se 90–vjetorin e “Vatrës” e festuan në lokalin e Demës, me bujarinë e tij.

Dy kangtaret e kombit, Aurela Gaçe e Vlorës dhe Eli Fara e Korçës shpirtnojnë publikisht nderimin e tyre dhe më 21 korrik 2014: “Dera e Dema Balidemaj është dera e një miku që qëndronte gjithmonë e hapur… është njeri me shpirt të madh… mik i të gjithëve… ky njeri hyn tek ata të rrallët”…



(Vota: 0)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: