Neki Lulaj: Forcë vargu
| E Marte, 09.05.2017, 05:25 PM |

Neki Lulaj

 

Forcë vargu

 

Ti ke në gjak pak forcë orteku nga Belleja me pisha

Në Deçan e në kala ke marrë gaz e ritëm vallesh

Vitet e kaluara të kanë dhënë në sy një det me drita

Kuvendet e kullave vijnë në kujtesën e viteve që s’thahen

 

Mes betejave që presin qofsh me kurora fitimtare

Qofsh pajtimtar i mençur mej gëzimit dhe dhimbjes

Gjumi i jastëkut pastë të tjera ëndrra djaloshare

Me pengjet e prindërve që mbeten të pashuar mes vitesh

 

Vrapo sërish pas pranverave që më tej do të vijnë!

Vrapo me hapat që do të japin të tjera buzëqeshje

Mos harro xixëllonjat që zgjohen prapë në lëndinë!

Mos harro këtë ditë rinore me kaq shumë vrull jete!

 

Në fushën e vargut qofsh ballëdjersitur e ëndërrzgjuar

Pas një livadhi vrapo me hapin e bukur dhe të fortë!

E ngrihu në supet e urimit e këngës së pambaruar

Prite shiritin e kaltër në një kolltuk princëror

 

Një Shqiponjë të re në çerdhe të ka në vite Gjermania

Një djalë që nuk trembet kurë në një shteg mali

Mos të pikoftë loti, kur të preket kaltërsia

Çdo ëndërr e jotja të jetë turbinë ne Belle  hidrocentrali



(Vota: 7 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: