Albert Habazaj: Sot tre maji është ndryshe
| E Diel, 07.05.2017, 09:20 AM |

SOT TRE MAJI ËSHTË NDRYSHE

 

Mbesa ime e parë Perla B. Habazaj sapo mbushi 10 muaj

 

Nga Albert R. HABAZAJ

 

Sot tre maji është ndryshe,

Për ty, Princeshë, e vogla;

Shoqe ke një dallëndyshe

Dhe shumë kukulla për lodra.

 

Sot është ndryshe tre maji,

Thotë Perlushja: “Un’ u rrita …

Loz e qesh, gugas e qaj,

Po nis jetën me dy shifra …”

 

Ndryshe është tre maji sot,

Perla 10 muajshe mbush,

Si unë, gjysh a ka në botë?

Të keqen, o Pupurush!

 

Të keqen, moj të keqen!

Perlushe, sa jam i lumtur!

Lule maji ti shkëlqen,

E ëmbël dhe shumë e bukur.

 

Po kur rri në këmbë si ëndërr,

Sheh për Babushin nga dera,

Po kur kërcejmë me këngë,

Bëhet xheloze pranvera.

 

I hedh hapat me ngurrim,

Hopa një, hopa dhe dy …

Nesër me më shum’ besim -

Lule merr e jep me sy.

 

Vlorë, e mërkurë, 03.05. 2017



(Vota: 0)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: