Nebi Dragoti: Mal shkresash
| E Diel, 09.04.2017, 10:03 AM |

NEBI DRAGOTI

VIKTOR QURKU: “MOS HARRONI

Vetëm Ministria e Kulturës, si detyrë të vetën, mundet të bëjë perkujtimin e poetëve, që kanë ndrruar jetë duke u botuar edhe antollogji me krijimet më cilësore. Se ç’ efekt ka kjo nuk do koment.Një ndër poetët që ka vlera ideo-artistike e që nuk duhet harruar eshtë ,si më poshtë, në këtë shkrim. Nga volume i dytë me poezi, nga vjesha “Mos harroni” shkëpusim:” Ish mjegull, acar, ish shkurt,/ me gjak ecte dyzetekatra / me nazistë, kuislingë, pushtë,/ me fytyra porsi masakra” për të treguar se poeti Viktor Qurku qe talent i formuar me gjithpërfshirje  artistike, me diapason të mbushur me dituri politiko-sociale. Në vitet ‘’960-‘’975 gëlonin talente të rinjesh në shtypin letrar të kohës të apasionuar mbas poezisë ruse, sidomos mbas lirikut me famë botërore Sergej Esenin. Viktori e daltoi bukur vargun me pjekuri prej artisti dhe, si lirik, do të ishte sot, ndër të tjerët, më i madhi. Poezia e tij, posa botohej në gazetë, tërhiqte lexuesin. Fatkeqësisht, ky talent humbi tragjikisht jetën duke u hedhur nga shkëmbi për të cilin nuk di arsye dhe nuk kam përse të merrem me paragjykime. Unë di ta gjykoj në bazë të dy volumeve që la të botuara. Me artin e tij shpejt i dha vulë vetes si personalitet në fushën e poezisë shqipe.

MAL SHKRESASH

Fejton

Gjithandej shkresa, shkresa. Hyn e del nëpër dyer. Në një zyrë merr firmën, në një tjetër vulën…Ç’punësime shtetërore që bëhen? Sa e sa kanë punësuar këto djallka shkresash! Harxho letër, harxho bojë. Harxhojnë kohë të mërzitshme hallexhinjtë.Mbajnë radhën për shkresa në bashki, në hipotekë, në spitale, në komune, për të paguar drita e ujë. Mbajnë radhë në kryeministri, në gjykatë, në prokurori. Dyert nuk mbarojnë. Eh, hallexhinjtë! E, prapë mbeten hallepazgjidhur. Na u mërzitën shkresat nëpër duar, nëpër xhepa. U humbtë firma e vula! Shteti bëhet mal me shkresa. Shkresa për tapi, por prapë e prapë pa tapi mbetesh.Ikën një qeveri e vjen tjetra., për shkresa e me shkresa. Dhe… këto shkresa bëhen me lekë. Krurje xhepash gjersa të grisen. Nuk ka hyrë e dilë e mos paguaj. Shtet shkresash, mal shkresash shteti. Ka punësime fiktive dhe burokratike me shkresat, që s’ japin prodhim të mirash materiale e ku di unë. Shkresat kanë hapur sa e sa vende pune për “prodhim”…për rritje ekonomike…për rritje të buxhetit shtetëror. Ky mal me shkresa ku përfundon? Grumbullo e grumbullo! Nuk e lexon njeri malin me shkresa,…plehra shkresash, veç zjarri i perpinë. E, në këto zjarre ngrohen të punësuarit, që japin prodhim për ekonominë në rritje…Mali me shkresa pjell minjë…



(Vota: 0)

Komentoni
Emri:
Emaili:
Kodi i sigurise:
Titulli:
Komenti: