Remzi Salihu: Murtezan Arifi
| E Premte, 07.04.2017, 08:00 PM |

Remzi Salihu

 

Pesëmbëdhjetë vite të ikura pa poetin dhe ish kolegun tim të punës

 

REKUIEM PËR POETIN

 

(Murtezan Arifi)

 

Më fal mik

në këtë shtegtim të marrë

kulmi na ka munguar

fjala kulmore më ka çelur varrë

 

Më fal mik

që lotët e mi s'u derdhën fare

se nuk doja ta praronin

me zezonë makthi

shpresën tënde të madhe

 

Më fal mik

që s'isha në atë varrim të zi

Dragojt e Dervenit

ma kanë zënë pritën

e Orët e malit krushqit m’i kanë ngri

 

Më fal mik

që tani s'bëjmë kugjestari politike

se kohërave të acarta

Lili me kurora dafinash

palcën ua ka shkrirë

 

Më fal mik

se s'kam me kë të grindem

në këtë arenë mendimesh

për fjalën Iliri

 

Vetëm urtësia jote me strall kuptimesh

më bën roje të përhershme në poezi



(Vota: 1)

Komentoni
Emri:
Emaili:
Kodi i sigurise:
Titulli:
Komenti: