Poezi nga Vladimir Muça
| E Shtune, 11.03.2017, 01:26 PM |

Vladimir Muça

 

Cikli me poezi Tanka “Mbroj me lume shpirti”

 

Në promovimin e librit

Më ngritën në qiell,

U bëra mëndjendritur.

Një mal me trishtim

Para librave të pa shitur.

***

Kur bisedoj me "biznesmenë"

Me diplloma nate me okë,

Tekanjozë e arrogantë;

Më rëndon mbi kokë

Si saç ferri Dantes.

***

Në kullën e Ngujimit

Plagë plumbash

Si kufoma gjakmarrëse.

Oh sa do desha

Mbi to lule Kishe.

***

Shumë dashuri

Dua librave të mijë,

Në çdo stinë

Të ketë pranverë,

Por dhe bollëk vjeshte....!

***

Fushave t'vendlindjes

S'ka traktorë si dikur.

Ka benza në kollë ligeshtie;

Mbulojeni rrugën kuturu

O ju lule mugastre!....

***

Sa të rrijë klubëve

Kafenë duke gjerbur

Në ditën e trishtuar,

Le të jemë një fshesë

Rrugët për të pastruar.

***

Kur në Omonia

Takoj të papunë

Trishtimi më mbyt.

Si kulpër më mbështjell

Mërzitshëm mendimi.

***

U grinda me gruan

Për faturën e internetit.

Vështrim i fëmijëve

Pika,pika më bie

Në shtambën e shpirtit.

***

Në drekën e së Premtes

Nnë lugë më tepër

Lë në sofrabez,

Për mikun tim poet

Në varfërinë e vet.

***

Në pushimin e drekës

Buka s'u ,uri vend.

Me mbllaçitjen

Gëlltisnin telenovela:

Një kohë të humbur.

 

Tetraplegjiku

Në karrikën me rrota.

Në premtime Dhjetori

Kap fjollat e borës,

Nder vedi qeshet zorit.

***

Posterat,flamujt,

Në mesnatë

Hijezojnë qytetin.

Dritat e reklamave

Në sytë e një qeni.

***

Që në projekt

Parlamenti i ri

Vështron qiellin.

Në shkallët e Pallatit

Shtohen rradhet e lypsave.

***

Në flatrimet e jetës

Kodra e Vilës

M'u bë djepi mendimëve.

U ktheva në metaforë

Me të shkuarat vite.

***

Ky trung druri

Rrahur nga vitet,

Tretur nga malli shumimit;

Nën tokë shtrin rrënjët,

Në rrathët vjetorë degëzimin.

***

Në kupolë

Syri i Torrës

Loton pambarim.

Nga invazioni ndertimëve

Ndjen ndarjen e shpejtë.

***

Në Otranto

Vejushat në skelë.

Sytë zhytën thellësis.

Ujërat kandile sjellin:

Si shpirtëra të përjetësisë.

***

Votimet e rradhës,

Ndër mërmërima votash.

Proçesverbalet thyejnë qafën.

Zgjohemi çullak

Mengjeseve që sjanë tonat.

 

Në kishën e Shën Prodhomit

Muret më thërrasin

Me tinguj kambane,

Thellë nga palimpsestet

Dhimbjet e gruas lehonë.

***

Bregu i Erzenit

Me dritë gjelbëroshe

Më ndez fantazinë.

Fluturoj si marsiake,

Zhytem në thellësi.

***

Urat e Lumbardhit

Ngulur thellë trollit.

Shkel mbi to si flutur

Si mbi udhën e Kombit

Prizreni fatlumtur.

***

Në Gryke-Rugovë

Gëdhenda shpirtin

Në shkëmb për kuntim.

Një pjesë deti durrsak

Të shuaj çdo harrim.

***

Në Fushe-Kolzë

Më zuri korriku.

Në syrin e ujit

Irisi im fëminor

Me lotin e mallit.

***

Sapo shkela zallit

Loti në aluvione u tret.

Në Arën eKokomajve

U zgjua fëmijëria,

Si flutur veten e gjet.

 

Dhe në errësirë,

I vetëm po të jemë,

Kur vi në vendlindje

Rrugën e ndriçojnë

Thinjat e mia.

***

Kroin e Balzës

Gjithmonë e kujtoj.

Etja s'më mundon,

Dhe në shkretëtirë

Zylynjarë gnithmonë.

***

Mbi Qafë Morinë,

Në qiellin e qelqët

Një shqiponjë kqyr

Dy anët e ndara

Me krenari bjeshke.

***

Në Gostivar,në mal

70 kilometra larg,

Me re puplore u vesha.

Kudo gjeta mirësi

Si stanëve në Potgori.

***

Nje fije bari

Mes librave gjeta.

Kujtimet buluan

Livadhit të fëmijërisë,

U zvjua kujtesa.

***

Larg vendlindjes

Më trembi stuhia.

Nën rrap u strehova,

Degët qanin mbi mua

Me litaret e shiut.

***

Në plazmën e qelqét

Hordhia e bores

Mbuloi vendlindjen.

S'munda të fle nga ky pushtim

I Sulejmanit Madhërishëm.

 

Ti që më shikoje-zjarrë,

Në skutat dritë-kuqe

Ndez zjarr prostitute;

Por veten tënde

Në sytë e mi s'e gjete.

***

Kodrës Marikajt

Trupi në pavetëdije

I njeh shtigjet e takimit,

Të puthurat në gëmusha

Ku treteshim unë e ti.

***

Zemra s'njeh monedhë,

Di ku jep pëshqeshe,

Thasët me ar udhëve hedh.

Asgjë s'mban për vete

Se Atin ka bankomat.

***

Mëngjesi i 65-të

M'shkrepandriti mbi Shetel.

Sa do desha,

Nen tendën e kujtimit

Të pija kafe me Tatën.

***

Çdo vit në mëndje,

Nga vendlindja,

Më vjen luleqershija.

Nën hijen e sajë

Shtroj vargje të dëlira.

***

Në Butrintin mitik

Në qershorin e nxehtë,

Ne festivalin e radhës

Mes poeteshave,

Oh,çfar freskie.....!

***

Në uren e Ardhishtës

Frëngji e syrit

Shpoi perden e mallit.

Faqeve të rreshkura

Loti shoi zjarrin.

 

S'më venitet dashuria e parë:

Në korie gjithëçka u çlirua.

Kur doli hëna

E futëm në mesin tonë

E zu të flerë si grua.

***

Ti je pasqyra

Ku shohë veten time,

Tani që s'je më

Ndjehem i shemtuar,

Në pasqyrën e verbuar.

***

Në puthjen e zjarrtë

Keq u prangosa

Në rini me veten time.

Që të ç'prangosem

Kërkoj zanafillën.

***

Minifundet shpërvolën

Të brendeshmet kuqëluar.

Hormonet ne faull

Kapërcyen pragun,

Shpirti,honëve rrakëlluar.

***

Sot u zgjova pa ëndërra,

Mendimi u mpak,

Bukuroshja e fjetur

Virgjërinë e amëshume

Me lot shplante nën duvak.

***

Tcunami në dashuri

S'është valë shpirti

Që gicërron n'ledhati.

Pasi bën hara-kiri

Tërhiqet duke vrarë.

***

E ndoqa,më ndoqi,

Yshja verem m'u bë

Në sy e në shpirt.

Kafshova karremin e kënaqësisë,

Tutje vrepi ish.

***

Kur ra rrufe e largimit

Lisi u ça në dyshë;

U shkretu vendtakimi.

Në dhiaren e fshehtë

Nukë çeli trëndafili.

 

Si borë e sotme në Tiranë

Të më veshësh dua,

Ne trupin tim të më tretesh;

Aherë do jeshë me mua

Dhe kur si shi të derdhem.

***

Kur erdhe në takim

Si lule qershije

Çelën sytë e tua.

Zbardhëlluan largësitë,

Gjithëçka çeli tek mua.

***

U hirosen ylberet,

Lumejtë e ndjenjave

Në fundo mbeten;

Ti më shikon pa zë:

- Do vish shtegut ku më le?...

***

Zogu i pagjumësisë

U arratis nëpër natë,

Me klithmë zgjoi dritësirën.

Gjithëçka në tehun e qelq'të

I dha natës lamtumirën.

***

Ne bregun e Currilave

Me boren e rënë

Dallgëzat e detit,

Si buzet e një gruaje

Fërgëllojnë në ekstazë.

***

Më tha:S'dëshiroj të shoh

Si çmenden lotët,

E malli faqeve zë të bjerrë.

Druaj zjarrin m'a vjedhin vashat

E mbetem një shteg i mjerë.



(Vota: 1)

Komentoni
Emri:
Emaili:
Kodi i sigurise:
Titulli:
Komenti: