Cikël poetik nga Zeqir Lushaj
| E Merkure, 20.11.2013, 07:59 PM |

ZEQIR LUSHAJ

 

AMERIKA…

 

-dhe një fjalë e Axhës së Ismetit-

 

Ismet Nela (me kostum kombëtar) dhe Zeqir Lushaj, USA, 2013

 

…!

Ky djal që shihni këtu

(me mua në këtë foto)

Eshtë një miku im

 

Afaristi Ismet Nela

Nga Kollovozi i Kukësit

I qeshur - i dashur - trim.

 

…!

Kur i tregoj axhes së tij

Se po nisëm per Amerikë

Ai i tha nipit edhe këto fjalë:

 

-Amerika

Ka hanger gjithë boten

…Dhe nuk i ka dalë!

 

…!

Këtë metaforë të axhës,

nipi e mori me veti

E ruan si ID- në portofol

Dhe… jo vetem Ismeti!

./.

-Nga libri në dorëshkrim “Amerikë, - i thonë këtij vendi”-

 

 

E shkruar para 45 vjetësh

“U RRITËSHI: SI GËSHTENJAT E GRISË! “

 

- Fshati im, Gri, në rrethin e Tropojës, është “kampion

i botës” për masivin e famshëm natyror të gështenjave –

 

Gështenja = bukë e bylmet (në degë).

 

Plakat e Stambollit,

Të kryeqendrës së hershme,

Të Perandorisë,

 

Kur i vënë pasulet

(groshet) për t’i zier,

(Tash 5 shekuj, por), …

edhe sot i urojnë:

– U rritëshi

si gështenjat e Grisë!

./.

Gri, Tropojë, 1968

(Fotoja: Gri, Tetor 2013)

 

 

DUKE KOPJUAR BEKENBAUERIN

 

I lavdishmi Bekenbauer

 

…!

Futbollisti gjerman,

Franc Bekenbaueri i Madh,

Në një konferencë shtypi,

Pati bërë

një replikim  gjenial:

 

(Përgjigj-ja qe e prerë:)

Kur i thanë gazetarët se:

-Të ka bërë milioner futbolli!

 

-Më ktheni rininë Time,

Ua kthej milionat,

pa pikë zori…!

 

…!

Kopjoi Bekenbauerin e famshëm,

(Gjithkushi, i miri e i keqi,

ta dinë:)

-Do ta kapërdija edhe një herë ,

Skaj-Varfërinë komuniste…!

Veç,

të rijetoja Rininë…!

 

Kërkush,

nuk mund ta kthej,

As një hap mbrapa jetën,

Ç’ka nuk bëhet,

kurrë për të gjallë,

Le të mbetet

(të paktën) në letër!

./.

(Nga libri në dorëshkrim “Sportit i mbeta borxh”)

 

 

ENIGMA…!

 

Taivani shqiptar

 

…!

si brymë dimri

a vesë në verë

ENIGMA ime

ri-shfaqet perherë

 

në pritje të saj,

me shekuj…

 

(më duket pak

të them me vjet)

 

kur thash se

- e gjeta!

 

at’ natë si hije më iku…

u shkërmoq krejt (!!)

 

…!

mos e lypni shkakun,

…atë kush e diti?

 

si dallgë që rreh

brigjet e gurta

edhe ku nuk gjendet

prap do ta lypi

 

si brymë dimri

a vesë në verë

ENIGMA ime

ri-shfaqet perherë.

./.

-Tiranë, verë 2013-

 

 

fësh-fëësh-fëëësh…

 

-Fletë ditari, NJ, USA, 5 Tetor 2013-

 

Vjeshtë…

 

…!

fësh-fëësh-fëëësh…

si një gjethe e tharë

pa pikë vlerë

(sikur dikush ta vodhi)

Iku edhe 5 Tetori.

 

…!

në shetitjen e zakonshme

rreth liqenit në park

(drejtë me ju kallxue)

sot nuk ua vara fort

as patave as rosave,

 

bile as vajzave bukuroshe

që …

(siç thonë andej nga Kelmendi):

-Kan dalë per me u lakmue!

 

diçka tjeter,

krejt e largët

gati-gati më gjeti gafil

 

tuj shkelë gjethet e zverdhura

fësh-fëësh-fëëësh…

mbi barin ende jeshil

 

…!

gjethi gjithkund gjeth

zhurma gjithkund zhurmë

edhe mbi oqeane

sa shpejt ndertojnë udhë

 

më risolli atje,

zhurma e dushkut

(e fletëve të gështenjave

në kazhnjetet e Grisë)

 

ku pikçat e para

si kokrra breshëri të rralla

alarmojnë – per ti mbledhur

 

sikur i thërrasin

(edhe emigrantet e largët)

-ri-kthejuni femijërisë!

 

…!

mu kujtua edhe

kalaveshi i rrushit…

që ndonëse në maje të plepit

(plepit nodo-cullak

xhveshur nga koha)

krejt i vetem ka mbetë

 

nuk pranon të dorëzohet gjallë

(orlat,- thotë le t’më hajnë)

vetem ketu lart jam Zoti Vetë

 

po po, trimrohet edhe

vila e vetmuar e rrushit

(…si ndonjë politikan i shkretë)

 

në prag të ngricave e acarit

kqyrë gjethet e rena livadhit

dhe ben sikur… është e qetë.

 

…!

fësh-fëësh-fëëësh…

pse i kujtova geshtenjat

kalaveshin e vetmuar

per dreq edhe politiken

 

leri këto nostalgjira Zeqo

buzeqeshju vajzave…

që të mos e xhvleftësosh

…krejt diten

 

…!

fësh-fëësh-fëëësh…

si një gjethe e tharë

pa pikë vlerë

(sikur dikush ta vodhi)

Iku edhe 5 Tetori.

./.

-  NJ, USA, 5  tetor 2013-



(Vota: 17 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti: