Zeqir Lushaj: Përjetsisht, dorën n’flamur
| E Merkure, 27.11.2013, 07:59 PM |


Ripublikim

Një jetë luftë, një shekull Pamvarësi (6)
 
PËRJETËSISHT, DORËN N’FLAMUR

– Ditës së Pavarësisë Kombëtare, 28 Nëntorit –

Teksti:  Zeqir Lushaj
Kendojnë: P. Brati e H. Kastrati

Ismail Qemali i urti burrë,
Përjetsisht dorën n’flamur,
Atë Nëntor që ish i Dyti,
Kastriotin e përtriti.

Plaku i Vlorës me mjekër t’bardhë,
– Prej Kosovës kush na ka ardhë?
300 pushkë, përnjëherë janë thur,
Gardh ju banë shqipes n’flamur.

Asht në Vlorë e gjithë Shqipëria,
Asht Prizreni e asht Çamëria,
Krujë, Gjakovë, me troje t’lashta,
Këtu janë Shkodra e Gjirokastra.
 
O Flamuri, kuq e zi!
Lum asht derdh gjaku për Ty,
Je i shtrenjtë ashtu si jeta,
Shqipja ecë me krahtë e veta.

Me dy krena e kena Shqipen,
Syrin çel natën dhe ditën,
Për Flamur e për at’dhe,
N’qiell të saj thyen çdo rrufe!
                ./.
-Tiranë, 1987-
(Nga libri “Fjala mbi tel…”, faqe 18-19)



(Vota: 48 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti: