Sejdi Berisha: Dora e ngrohtë e nënës më shpëtoi
| E Marte, 14.02.2012, 07:59 PM |

Sejdi BERISHA:

 

DORA E NGROHTË E NËNËS MË SHPËTOI

(Kushtuar Amsera Rekës, vajzës pesëvjeçare nga Restelica e Dragashit, e cila mbijetoi në tragjedinë që e shkaktoi otergu i borës që mori dhjetë jetëra)

 

1.

U shndërrove në mbretëreshë kohe

Për të shkruar ditar për jetën

Për t’i kujtuar ëndrrat e cunguara

Kështjellë për t’i bërë lotët

Jetës për t’i thënë:

Ja kush është Amsera Reka

Një voglushe që sapo ka filluar ëndrrat

Dhe ma keni vjedhë dashurinë e nënës

Që m’i keni këputur kujtimet

Që ma keni cunguar lumturinë

 

2.

Një ditë të gjitha do t’i rrëfej

Në një fletore që nuk e keni parë kurrë

Do të rrëfej edhe për borën

Që shumë e kam dashur

Që tradhëtisht më zuri në gjumë

Isha në gjirin e nënës

Me dorën e babait sipër faqes sime

Me lotin e ngrir në sy

 

3.

Të gjitha do t’i rrëfej dikur

Në rrugët e jetës

Që tani janë shkrirë në dhembje

 

4.

Nuk dua të pyes as për nënën

As për babanë

As për vëllanë

E di se nuk do të marr përgjigje

Por vetëm dhembje e lot

 

5.

Moj jeta ime

Kaq heret ma detyrove një ditar

Me aq dhembje

Me aq ëndrra të ndrydhura

 

6.

Stina e dimrit është e bukur

Dhe kurrë nuk do ta harroj

Por tani pak më ndryshe

E që nuk di asgjë të tregoj

 

7.

Jam e vogël

Por ju lutem

Vetëm etjen time mos ma harroni

Të përjetësuar në fytyren time njomake

Dhe etjen e syve duke kërkuar

Fotografinë e natës së tmerrit

Duke kërkuar

Dorën e ngrohtë të nënës

Që ishte bërë akull

Mbi faqën time

 

8.

Mos harroni

Tani më njihni

Unë jam AMSERA REKA

Pesë vjeçe

Tani jam tregim tmerri

Edhe historie

Por kurrë mos më trazoni

Me datën

E njëmbëdhjetë të shkurtit të vitit 2012



(Vota: 11 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: