Sejdi Berisha: Se lisi nuk rrëzohet
| E Marte, 15.11.2011, 08:58 PM |

Sejdi BERISHA:

 

Me rastin e njëvjetorit të vdekjes së poetit, Din Mehmeti (12 nëntor 2010)

 

SE LISI NUK RRËZOHET

(Kushtuar poetit, Din Mehmeti)

 

Kur të kujtoj

Të hasi në të gjitha ato dyer

Që herë hapën e herë mbyllen

Edhe fytyrën tënde e shoh

Si në dritare duke pritur

 

Duke kënduar

E duke qarë

Për njeriun

Për dritën

Për fjalën e urtë

 

Në varg

Edhe mallkimin e ke bërë rrugëtim

Me gjuhën e fjalën e ëmbël

Zërin jehonë e bëre

Gjirin e nuseve

Ilaç për ta rritur shëndosh rininë

Bacloku im

A nuk është ky

Rrugëtim rebel

O, kasnec i tokës së përgjakur

 

Ti edhe sot këndon

Se lisi nuk rrëzohet

Edhe kur e ka trupin

Puthitur për tokë

Se, jeta nuk ka të sosur

 

Bacloku ynë

Ti këngën e ke kujdestar

Për pavdekësinë



(Vota: 10 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: