Sejdi Berisha: Rrugëtim rebel (Kushtuar poetit, Din Mehmeti)
| E Shtune, 13.11.2010, 07:58 PM |

Sejdi BERISHA:

 

RRUGËTIM REBEL

(Kushtuar poetit, Din Mehmeti)

 

Kur të kujtoj

Të hasi në të gjitha ato dyer

Që herë hapën e herë mbyllen

Edhe fytyrën tënde e shoh

Si në dritare duke pritur

 

Duke kënduar

E duke qarë

Për njeriun

Për dritën

Për fjalën e urtë

Në varg

Edhe mallkimin e ke bërë rrugëtim

Me gjuhën e fjalën e ëmbël

E mbëltove fidanin e dritës

Zërin e bëre jehonë

Për historinë

Edhe për rropatjet tona

Kështu lumin e bëre për të rrjedhur 

E, gjirin e nuseve

Ilaç për ta rritur shëndosh rininë

Bacloku im

A nuk është ky

Rrugëtim rebel

O, kasnec i tokës sime të përgjakur

 

Rrugëtim me dhembje e krenari

I këndove jetës e historisë plot thyerje

Zemrave të lënduara

Copë e grimë të bëra

Por, gjithmonë shkëmb

O, bacloku im rebel

Vargu yt

Është pergamenë për shkrimin dardan

Për Ilirinë

 

Pra, këndo edhe tutje

Ashtu si di Ti

Se lisi nuk rrëzohet

Edhe kur e ka trupin

Puthitur për tokë

Ai vetëm shpërthen sythë

Që vazhdojnë këngën në rrugëtim

Se, jeta nuk ka të sosur

 

Por, ndonjëherë

Nëse loti të mashtron

Aty pranë më ke

Me ëndrrat e mia

Duke më ushqyer kënda jote

Duke më përcëlluar vargjet e tua

 

Edhe atëherë kur ti nuk e di

Edhe atëherë kur ndoshta

Në vend të shiut bie pluhur

Bacloku ynë

Ti e ke këngën kujdestare

Për pavdekësinë

Dukagjini është obelisk

I këngës sate 

E ti, Kullë në Dukagjin

Kështu është kur je poet

O, Din...



(Vota: 8 . Mesatare: 5/5)

Komentoni
Emri:
Emaili:
Kodi i sigurise:
Titulli:
Komenti:

Publikime te tjera ne kete kategori: