E enjte, 25.02.2021, 05:25 AM (GMT)

Kulturë

Sadri Sadrija: Cikël poetik nga Jehona Agushi

E merkure, 08.04.2009, 06:37 PM


Jehona Agushi
Jehona Agushi

Cikël poetik nga Jehona Agushi

Nga Sadri Sadrija

Jehona Agushi u lind më 26.05.1980, në Gjakovë. Shkollën fillore dhe shkollën e mesme të Mjekësisë-dega e farmacisë, i kreu në vendlindje. Fakultetin e Filologjisë, degën Letërsi dhe Gjuhë shqipe, e ka kryer në Prishtinë. Është edhe sot e pa punë. Më shkrime, në poezi dhe në prozë, ka filluar të meret qysh herët. Ka bashkpunuar me gazeta dhe revista të ndryshme. Deri më tani ka botuar pesë përmbledhje poezish:
1. “ Leheje në gjurmë”-2000, poezi
2. “Rruga e mëngjesit”- 2001, poezi
3.  “Stuhi e muzgut” – 2002, poezi
4. “Miniaturë e përlotur”- 2002, poezi
5. “Hija e vetmisë” – 2004, poezi
6. “Anatomia e bletës”- dispensë e bletarisë- 2000, prozë

Në vargjet e poezisë së vet, Jehona mundohet te dalë nga gjendja e ankthit, nga koha e mërzitur, duke shprehur papajtushmërinë dhe paknaqësinë shpirtërore. Keshtu i del hapur optimizmi për të ardhmen, dashuria për jetën, për njeriun, e mbi të gjitha për lirinë e paguar shtrenjtë me gjakun e derdhur të dëshmorëve, martirëve dhe ish- të burgosurve, të cilët ishin përjetues të masakrës dhe torturave nëpër kazamatat serbe.

Kornizë e Dritares
/Dajës Jahë Sadrija, i burgosur
 në burgun e Pozharevcit)

Dita agoi
Dera e hekurt prapë trokiti
Mallënxhimi i preku hënën
Trëndafilit i humbi ngjyra
Era jetime mbeti

Bubullima vret qiellin
Për lulëkuqet e thara
Ngricë bëhet, shtrëngata
Korrnizë e dritares shëtiste

Frymëmarrje e thellë
Vret vdekjen
Me bashkimin e duarve
Lutjet kurorëzohen

Kornizë e dritares
Të mplaku durimi
Në ëndërrim të vitëve

26-05-2000- Nga përmbledhja:
“Rruga e mëngjesit”

 
Arkivolet

Arkivolet
Mbi supe të dhembjes
Për në varre ecin
Ku asgjë e tyre më nuk është
Bota, jeta, buzëqeshja, loti

Me flamur të kuq mbuluar
Dhuratë për detyrën e kryer
Arkivolet të qetë në varre zbresin
Për t’u përjetësuar

Gllogjan, 1999


Binduni

Binduni o bisha
dhe ju njerëz të pashpirtë
se në Kosovë do të ketë dritë
dritë e Kosovës është pavarësia
mjalti i jetës është liria

Prishtinë, 2002


Dje, Sot, Nesër

Dje
Në muzgun e mbrëmjes
Unë hëna dhe hija

Sot
Erërat gjethet e psherëtimat

Nesër
Nesër do të ndizen zjarret

Prishtinë, 2002

Realitetin e rendë, Jehona, e mund vetëm me anë të poezisë, dhe siç duket, vëtem aty e gjenë ngushëllimin dhe shpëtimin.



(Vota: 3 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora