Edhe NATO u kry

Topi - Berisha - Obama

Shqiperia zyrtarisht ne NATO. Presidenti i Shteteve te Bashkuara te Amerikes, Barak Obama, i dorezoi dje kreut te shtetit shqiptar, Bamir Topi, dokumentin e anetaresimit ne NATO. Akti u be gjate zhvillimit te samitit te kesaj Aleance ne Strasburg. Me dorezimin e dokumentit, ku rezulton se Shqiperia eshte anetare me te drejta te plota ne NATO, Presidenti Obama pergezoi homologun e tij Topi dhe kryeministrin Sali Berisha per anetaresimin, qe erdhi fale realizimit te reformave dhe arritjeve te Shqiperise. Urime qe u pasuan me foto te perbashketa ne kuader te kesaj dite te shenuar. Akti i dorezuar nga Presidenti amerikan tek kreu i shtetit shqiptar Bamir Topi dhe kryeministrit Berisha per Shqiperine dhe Presidentit Mesic dhe kryeministrit Sanader per Kroacine, eshte nje kopje te protokollit te Uashingtonit, te cilen e ka cdo vend anetar te NATO-s dhe qe simbolizon pranimin formal ne Aleance. Ky moment, i cili ndodhi rreth ores 12 te dites se djeshme, ne kryeqytetin shqiptar, u festua me 28 te shtena topi. Numer qe perkon me 28 vendet anetare te NATO-s, mes te cileve dhe Shqiperia. Ne nje moment te tille festimi, Presidenti i SHBA-ve, Obama, gjeti vendin te ngushelloje dhe Maqedonine, shtetin qe ka mbetur jashte kesaj aleance per shkak te problemeve me Greqine per ceshtjen e emrit. Sipas Obames, dita e djeshme nuk do te jete e fundit per festime, pasi te tjera do te behen ne kete aleance. "Do te pres dhe Maqedonine per tu bere pjese. Ne presim dhe vende te tjera qe te jene pjese e kesaj aleance", vijoi Obama. Po keshtu, Sekretari i Pergjithshem i NATO-s, Jap de Hup Shefer uroi ardhjen ne aleance te Shqiperise dhe Kroacise. "Ju e meritoni ardhjen ne gjirin e aleances dhe ne ju mirepresim", vleresoi Shefer qe ne celjen e samitit te djeshem. Ai vijoi, se tashme qendrimi ne Afganistan i Aleances do te jete me ambicioz. Vleresime per dy shtetet e reja anetare ne NATO, u bene dhe nga Presidenti francez Nikolas Sarkozi. "Ne jemi ne nje familje dhe jemi aleate e miq qe mbeshteten tek njeri-tjetri", u shpreh Sarkozi, duke shtuar se Franca nuk eshte kunder afganeve. "Ne jemi me ta dhe ne duhet te veprojme se bashku", ka vazhduar Sarkozi. Ndersa kancelarja gjermane, Angela Merkel shprehu mbeshtetjen per strategjine e parashtruar nga presidenti i Shteteve te Bashkuara te Amerikes, Barak Obama, per nje Evrope pa kufij, si dhe per nje bashkepunim ne misionin e Afganistanit. Kancelaria gjithashtu theksoi se Gjermania do te jape kontributin e saj, qofte kjo edhe me ane te trupave ushtarake shtese ne Afganistan.

Berisha: Shqiperia, me e sigurte

"Sot per ne shqiptaret eshte dita me e madhe dhe me e rendesishme ne tere historine tone kombetare, pas pavaresise se vendit. Por, une kete fjale do ta nis me urimin tim me te perzemert, per ditelindjen e NATO-s ne 60 vjetorin e themelimit te saj, si daten me te madhe, me te rendesishme ne historine e lirise se qyteterimit perendimor dhe mbare njerezimit, pas Luftes se Dyte Boterore. E themeluar 60 vjet me pare, me iniciativen e Presidentit Truman, ne Uashington, per te shnderruar armiqte e djeshem ne aleate e miq, ne cka qendron dhe vizioni i saj, si edhe per te mbrojtur vlerat e perbashketa te lirise qe vendet themeluese ndanin, Aleanca e Atlantikut te Veriut u shnderrua me shpejtesi ne parzmoren e sigurte te lirise se kombeve te qyteteruara, ne faktorin me percaktues te frenimit e ekspansionit paranojak sovjetik ne Evrope dhe te shembjes se murit te Berlinit, shpetimit te mbi 400 milion qytetareve te shtypur ne sistemin komunist barbar dhe shnderrimin ne realitet te aspirates, endrres se tyre te lirise . Aleanca e Atlantiku te Veriut, me nderhyrjen e saj vendimtare, ishte gjithashtu shpetimtare ne dominimin e konfliktit dhe rivendosjen e paqes dhe stabilitetit ne Gadishullin e Ballkanit. NATO vjen ne kete 60 vjetor me e fuqishme dhe me madheshtore se kurre me pare. Pas renies se perdes se hekurt, misioni i saj i mbrojtjes se lirise, fale udheheqjes se forte te SHBA, nuk do te njihte lodhje, por zgjerim dhe do te fitonte dimensione te reja te panjohura me pare. Aleanca njelloj sic ndjek hieja njeriun ne rrugen e tij, ajo do te shoqeronte lirine ne udhen dhe shtigjet e reja te saj, duke shnderruar nje nga nje ne partnere dhe me pas ne aleate kombet dhe vendet qe deri dje kishin qene anetare te bllokut armik te saj. NATO feston sot 60 vjetorin e saj, ne nje Samit qe bashkekryesohet nga Kancelarja Angela Merkel, vetem 20 vjet me pare, nje fizikante ne anen e erret te perdes se hekurt dhe ku jane ulur si perfaqesues te vendeve te saj anetare, lideret e 12 vendeve te tjera ish komuniste. Kjo eshte deshmi dhe simboli me i shkelqyer i vitalitetit dhe madheshtise se NATO-s, epersise dhe forces se lirise qe ajo mbron. Sot ne kete 60 vjetor te saj, NATO pranon si anetar vendin tim, Shqiperine, e cila vetem 20 vite me pare perjetonte tiranine me te eger qe shqiptaret, por ndoshta edhe mbare Evropa, kane njohur ne historine e tyre. Te nderuar Kryetare Shtetesh dhe Qeverish te vendeve anetare te NATO-s, Kombi im eshte nje komb me rrenje tejet te gjata. Ne udhetimin e tij shume te veshtire, ne perpjekjet e tij shekullore per liri dhe dinjitet ka provuar luftera, pushtime, diktatura dhe copetime te egra e te pamerituara. Historia e tij eshte ajo e rrezimeve te shpeshta dhe serish e ngritjeve te mundimshme, por mjerisht vetem ne limitet e mbijeteses. Shqiperia erdhi ne vitet '90 si nje nga tre kater vendet me te varfra te planetit, me vetem 204 dollare te ardhura per fryme. Diktatura ndertoi tre here me shume bunkere se sa apartamente banimi. Per mua kjo eshte nje dite krenarie e vecante por, para se gjithash, dita e mirenjohjes me te thelle dhe te pakufishme ndaj jush, kombeve tuaja, Forcave tuaja te Armatosura e taksapaguesve te vendeve tuaja, qe me ndihmen e tyre te gjithanshme, politike, ekonomike, financiare e ushtarake mbeshteten reformat e thella e te suksesshme ne Shqiperi, qe bene te mundur kete dite. Asnje komb nuk ka njohur ne historine e tij nje solidaritet kaq te madh, sa c'kemi njohur ne shqiptaret nga kombet tuaja te lira. Nje falenderim te vecante une e dua t'i shpreh sot qeverise se SHBA per krijimin e Kartes se Adriatikut 3, qe u shnderrua ne nje proces te fuqishem te bashkepunimit te Shqiperise me NATO-n dhe dy vendet mike Kroacine dhe Maqedonine, si dhe anetaresimin tone ne NATO. Une me gjithe zemer dua t'ju falenderoj ju, stafin tuaj dhe Keshillin e Atlantikut te Veriut per ndihmen e madhe dhe inkurajimin e Shqiperise ne rrugen e saj te integrimit ne Aleance. Une gjithashtu jam shume mirenjohes ndaj jush, qe nje vit me pare, ftuat per t'u anetaresuar ne NATO vendin tim dhe ne nje kohe rekord ratifikuat ne parlamentet dhe senatet tuaja protokollin e anetaresimit ne NATO, duke ju deshmuar shqiptareve besimin me te madh qe ata kane njohur ne tere ekzistencen e tyre. Deshiroj t'ju garantoj ju se kete mal besimi qe ju vendoset mbi ne do ta shnderrojme ne pergjegjesi te medha per konsolidimin e vlerave dhe parimeve qe NATO mbron dhe per t'ju pergjigjur te gjitha kerkesave te Aleances, ne te gjitha misionet e saj te ruajtjes se paqes dhe luftes kunder terrorizmit nderkombetar. Duke pershendetur vendimin e Presidentit te SHBA Barak Obama, per te perqendruar perpjekjet per paqen, stabilitetin dhe luften kunder terrorizmit ne Afganistan, kam kenaqesine t'ju informoj se qeveria ime do te shtoje edhe nje kompani me teper duke e rritur ne 350 numrin e forcave shqiptare te pranishem ne kete vend. Do te kontribuojme me nje fond per ndertimin e dy shkollave te mesme dhe gjashte shkollave te ciklit te pare, si edhe me nje ekip prej pesembedhjete mjekesh dhe infermieresh. Se fundmi, une dua te pershendes dhe falenderoj me mirenjohje instititucionet e vendit tim, administraten, forcat tona te armatosura ne vecanti, per kontributin e tyre ne reformat e suksesshme dhe te rendesishme, qe mundesuan anetaresimin e Shqiperise ne NATO. Dua te pershendes te gjithe shqiptaret qe sot e tutje do te kene lirine e tyre te garantuar, do mund te ndertojne te ardhmen qe meritojne, ne liri, dhe nuk do te ecin kurre me te vetem. Do ta mbyll duke ju adresuar pershendetjen me tradicionale dhe te vjeter shqiptare Tungjatjeta per ju dhe kombet tuaja!".

Topi: NATO besoi te Shqiperia

Nga Koha Jone

"Vij ketu per te sjelle mirenjohjen, falenderimin, miqesine me te thelle te popullit shqiptar per Aleancen, per ju te dashur aleate, per Parlamentet dhe Qeverite dhe per popujt miq te popullit shqiptar.

Jam ketu, per t'ju konfirmuar besnikerine e pergjegjshme te Shqiperise ndaj shpresave dhe besimit tuaj ne aspiraten e popullit tim per t'u integruar. Ne pervjetorin e 20-te te shembjes se Murit te Berlinit, Shqiperia behet shembulli historik se si nje popull, pasi permbysi diktaturen me te ashper dhe keputi zinxhiret e izolimit me te gjate politik, vetem sepse besoi ne idealin e lirise, ne ate te te drejtave te njeriut dhe ne kuptimin e plote te fjales demokraci, u be anetar i organizates me te madhe, kampione te lirise dhe te vlerave universale.

Ne ndodhemi perkrah jush sot sepse mbetemi, te vendosur te perballemi dhe t'i fitojme sfidat tona te brendshme politike, ekonomike dhe ushtarake, sepse, nga sot, kontributi dhe roli aktiv e moderues i Shqiperise ne rajonin e Ballkanit do te kthehet ne vlere te shtuar te investimit per paqen e stabilitetin e qendrueshem te tij, ne mbeshtetjen e shtetit te ri te Kosoves dhe ne shendoshjen e frymes se bashkepunimit dhe te politikes se fqinjesise se mire per nje te ardhme te perbashket euroatlantike.

Ushtaraket e Forcave tona te Armatosura do te jene, me krenare se me pare, atje ku NATO do te luftoje per lirine dhe demokracine, atje ku siguria dhe paqja do te ndihem te kercenuara, atje ku kontributi i tyre do t'u sherbeje fitores ndaj terrorizmit global dhe pasurimit te bashkejeteses se qyteterimeve tona.

Te dashur aleate,

Samiti i sotem do te mbetet ne histori edhe si deshmia e mikpritjes dhe e miqesise franko-gjermane e njekohesisht si modeli se si dy kombe te medha gjeten forcen e madhe te mesonin nga e kaluara e tyre vetem duke besuar ne te ardhmen e tyre te perbashket, ne ate te ardhme qe besojne edhe shqiptaret sot.