E shtune, 18.09.2021, 12:50 PM (GMT+1)

Kulturë

Ukshin Zajmi: Sonete për Kosovën-Anamoravë (poezi)

E premte, 13.03.2009, 09:27 PM


1. Dardana (ish Kamenica)
 
Galabroi të vështron nga kodrat mbi bokë
Ujë të sjell nga rrënja e ahut shekullor
Pemë, perime e të tjera që i bënë kjo tokë
Ua sjell në rrafsh Dardanëve shembullor.
 
Furnizon me shigjeta e shtiza - Svirca
Anamali e Veliglaua sjellin stoli floriri
Kulina mburoja, përkrenare e karfica
E gjuetarët nga malet buria nga briri.
 
Skup, Justinianë e Demastion - drejtim rrugësh
Margen e pate ujërrëfime pikëtakim lëvizjesh
E Koprën vendrrëfim udhëtarësh e konaqesh.
 
Qendër trimërie burrash- ushtarë dardanësh.
Kalaja e Trojeve me kullën e Tygjecit
Kuvendonin me shenja me Gjytetin e Marecit
 
2. Gjinaj (Gjilani)

 
Amalgam ari e argjendi thurur verig
Ujërat u shterën nga kullimi në jug
Ura e Musë Kotorrit varr kalimi n’vig
Kaushën e anatemuan të munduarit në lug!
 
Themelet e krijuesve janë fshi’
Festat u shndërruan në panaire.
Të kaluarën nuk e deshën dëshmi
Emri u imponua për të bërë sehire..
 
Nuk frikohet më askush nga vërshimet
Ajo u mposht me tiraninë e sunduesit
E shpërnguljet me vrasjen e mësuesit.
 
Statujat e bronzta u ndërruan nga regjimet
Historia e re kur shkruhet me argumente
E banorët nuk besojnë më ne fragmente.
 
3.Vitia
 
Trojet Urbane u bënë ara Verbane
Që gruaja dardane të ndërrojë origjinë
Të ndryshojë edhe historia e kësaj ane
E Tërpeza të mos dëshmojë vjetërsinë.
 
Labirinti i Smirës - filozofi e lashtësisë
Kalatë e shumta rrjedha historie
Nëntoka begati, natyrë e dhuntisë
Ujërat shëruese, dëshmi sizmie.
 
Malet e Zeza peshë e rëndë e barrës
Rrafshina dhuratë e nënë Margës
Kodra e Furrës maje e mbimjegullave.
 
Një komb me shumë fe relikt filozofie
Me një gjuhë gjaku e gjeografie
Në shtrojën e liqenit të kështjellave.

4. Artana (ish Novobërda)
 
Rritën tënde Evropa ta pati lakmi
Raguza të erdhi në vizitë për tregti
Nëntoka jote botës i dha argjend e ar
Pate aq shtëpi sa Kodra e Madhe bar.
 
Kambanat bënin zhurmë pa ndalë
Zeja e shkrirja zgjerohej ngadalë
E nga minaret shihej çdo gjë në male
Sasët gjetën strehë e punë normale
 
Dardanët i deshën të gjithë, pa dallim
Ua mësuan zeje e punë për shpëtim
Mysafirit i dhanë bukë, krip e zemër.
 
Ishe kryqëzim punësh, rrugësh e gjuhësh
Bukuri arkitekture, fasade e mjeshtri gurësh
Ke pas, ke e gjithmonë do të kesh emër.



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora