E premte, 29.03.2024, 01:12 AM (GMT)

Kulturë

Bleona Qereti

E shtune, 07.07.2007, 04:21 PM


Bleona, pse e shtyva diten e dasmes

Diten kur e takuam, ne nje prej lokaleve prane stadiumit "Qemal Stafa", nuk ishte e krehur apo e kapardisur mbi taka te larta. E veshur me nje fustan te bardhe sportiv, me floket e lidhur bisht e me nje pale shapka me rripa hequr ashtu shkujdesur nga kembet, te linte te kuptoje se kishte kaluar nje dite shume te lodhshme. Dhe sapo e pyet, nuk vonon te ta pohoje menjehere: "Po, jam lodhur shume sot". Ndersa Bleona Qereti shfryn ne lodhjen e saj, gjeja e pare qe te vjen ne mendje, e qe mund te te shpjegoje kete lodhje, eshte dasma e shumeperfolur qe do te behej ne muajin korrik. Por ajo ta permbys shpejt kete mendim, duke treguar gjithe punet qe ka bere keto dite, te cilat vetem me dasmen qe nuk kishin asnje lidhje. Ne vend te pergatitjeve te ceremonise se madhe ajo te tregon pergatitjet per albumin e saj te ri qe do te hedhe se shpejti ne treg. Te tregon gjithe entuziazem per takimin me kengetarin e madh grek Triandafilos, per variantin e ri te kenges "Monahos" dhe per klipin qe do te realizojne se bashku ne Rodos. Te tregon gjithe planin qe ka ngritur per te bere zhurmen e saj te radhes. E te pohon me bindje se vetem kur te kene mbaruar te gjitha keto, do te mund te jete e qete per te organizuar ceremonine e dasmes se saj te madhe me Gani Bardhen. Duket se kohen e kane percaktuar tashme: ne vjeshte. E deri atehere Bleona ka gjithe kohen per te realizuar gjithcka ka planifikuar tashme ne axhenden e saj.

Puna duket se sapo ka filluar...
Po. Sapo jam kthyer nga Greqia, ku ndryshe nga heret e tjera nuk vajta per ndonje koncert, por per nje projekt shume te rendesishem se kaq. Isha ne studion e nje prej kompozitoreve me te njohur grek, Kostandinit, per te realizuar nje variant te ri te kenges se famshme "Monahos", me kengetarin e madh grek Triandafilos. Ky ishte qellimi i ketij udhetimi, pa menduar dot se ne ate studio do te ndodhte dicka edhe me e bukur se kaq.

Cfare?
Pasi mbaruam se regjistruari kengen "Monahos", Kostandini me dha dhe dy kenge te reja, per albumin tim te ri, qe do ta dale se shpejti ne treg.

Si u gjende ne studion e ketij kompozitori?
Nepermjet kengetarit te njohur grek Triandafilos, te cilin jam e bindur qe e njohin te gjithe shqiptaret.

Po Triandafilosin si e gjete? Si u njohe me te?
Si gjithmone gjerat e bukura tek une vijne krejt rastesisht, ama kur vijne une nuk i le te me ikin ashtu kot (qesh). Fati e ka dashur qe te gjendem shpeshhere ne vendin dhe ne kohen e duhur. Mesa duket keshtu ndodhi edhe kete here. Me qelloi te udhetoja per ne Krete ne nje avion, te ulur fare prane njeri- tjetrit me Triandafilosin. Sigurisht qe nuk e njoha dot me te pare dhe ne fillim nuk tregova aspak interes per te. Por kur nisi te me tregonte se ishte kengetar, nuk mund te rrija me indiferente. Aq me shume kur me tha se quhej Triandafilos. Nisa t'i tregoj dhe une kush isha dhe cfare kisha bere ne gjithe keto kohe dhe ai nuk vonoi te me bente nje propozim fantastik.

Qe ishte?
Te realizonim se bashku kengen aq shume te njohur "Monahos".

Dhe ti sigurisht qe do te pranoje menjehere, apo jo?
Dhe e ve ne dyshim? Nuk kisha rrugezgjidhje tjeter (qesh).

Me pas si do te vazhdonte kjo histori?
Duke qene se destinacioni i udhetimit tone ishte Kreta, patem kohe te flisnin me gjate nga c'zgjaste fluturimi me avion. Ai ishte i ftuar ne nje emision te televizionit te Kretes, ku me ftoi te merrja pjese dhe une. Me krijoi hapesiren te kendoja tre kenge ne anglisht ne minutazhin qe i perkiste atij ne ate emision.

Pastaj?
Nje jave me pas une do te shkoja ne Selanik per nje koncert tjeter dhe e lame qe pas atij koncerti te shkoja ne Athine per ta takuar serish ne studion muzikore, per te biseduar me konkretisht per kete bashkepunim.

Dhe perfundimi i ketyre bisedimeve...
Ishte shume pozitiv. Ja, sapo kam perfunduar regjistrimin e "Monahos" ndersa ne fund te korrikut do te jem ne Rodos per te realizuar se bashku me Triandafilos edhe klipin e kesaj kenge.

Kur do te mund ta shohim kete klip?
Besoj ne shtator do te shikoni jo vetem kete klip por dhe dy te tjere, nga albumi im i ri e qe do te realizohen ne bashkepunim me Etno Engjejt dhe Makiato Band ne Kosove. Ndersa i pari do te realizohet ne Greqi, i dyti do te behet ne Maqedoni. Per te tretin nuk kam vendosur ende.

Kjo do te thote qe edhe albumi do te hidhet ne treg ne fillimin e vjeshtes, pra ne shtator?
Po. Do te jene rreth dymbedhjete kenge te reja, qe do te hidhen ne treg me kete album, ku vec dy kengeve qe mora ne studion e komopozitorit grek Kostandin, do jene dhe kenge te Darko Dimitrov, Evis Presheves, Virusit e Edi Balilit. Jam e bindur se keto kenge te realizuara mbi tekstet e Jorgo Papingjit e Armand Trebickes do te hyjne mire e do te qendrojne gjate ne treg. Po synoj shume qe ky album te shenoje ne shenje. Ky eshte misioni im i radhes, te cilin po perpiqem fort ta realizoj me shume sukses. Ndryshe nga gjithe heret e tjera per kete album jam lodhur vertet shume. Kam dashur ta kem vete nen mbikeqyrje gjithcka, tekstet, muziken...

Pse gjithe kjo perkujdesje kete here?
Ndoshta sepse kete e mendoj albumin tim te fundit ne shqip. Nese do te kete nje album me shume, ai do te jete vetem me kenge anglisht. Por kjo do kohe qe te ndodhe.

Ndersa albumi qe ke ne duar nuk do dhe aq shume kohe per te perfunduar. Kjo do te thote qe vera do te vazhdoje te jete shume e ngarkuar per ty, apo jo?
Po. Jane, sic e thashe dhe pak me pare, tre klipe per t'u realizuar ne te njejten kohe e disa kenge qe duhen perfunduar.

Ne gjithe keto dite ishte perfolur shume se kjo do te ishte vera e dasmes se madhe te Bleona Qeretit dhe Gani Bardhes. Kane qene vertet fjale ne ere apo ishte menduar me te vertete nje ceremoni ne korrik?
Nuk kane qene fjale ne ere. Ceremonia e dasmes ne fakt ishte planifikuar te behej kete vere. Daten nuk e kishim ndare, por besonim se do te ishte nje prej diteve te korrikut.

Gje qe mesa duket nuk do te ndodhe...
Jo. Dasma jone eshte shtyre per ne vjeshte, pasi te kem perfunduar te gjitha keto pune qe kam neper duar.

Keto projekte u bene shkak per shtyrjen e dasmes?
Po, sepse jane projekte shume te rendesishme per mua. Duke qene se une ceremonine e dasmes e lidh me femijen, mendova se do te ishte shume me mire qe te mbyllja te gjitha punet, qe pas dasmes te ndjehesha e qete dhe e lire per t'iu kushtuar vetem familjes sime. Une nuk kam ndonje ngut per kete ceremoni, qe bashke me Ganin mendojme ta bejme thjesht per qejf per te mbledhur miqte dhe te afermit tane, ndersa celebrimin e kemi bere qe ne tetorin e 2006-es, ne Detroit. Ndaj jam e bindur se duke i shtyre gjerat ne menyre qe gjithcka te shkoje ne vendin e duhur, po bej pikerisht ate qe duhet.

Pak me pare the se e kishit planifikuar dasmen per ne korrik. A i kishit bere nderkaq gjithcka gati?
Po. Ne kete moment qe po flasim gjithcka eshte gati, kater fustanet qe zgjodha tek "Mariage", sandalet Swarovski... Kaq. Nuk po tregoj me shume. E rendesishme eshte qe kjo dasme, kurdo qe te behet, do behet ne Tirane e se do jete nje feste tradicionale shqiptare.

Me shume se nje here
Ne veren e dy viteve me pare, Bleona do te rrefente pak a shume nje histori te tille: se fati e kishte ndihmuar te ishte ne kohen dhe vendin e duhur. Nese kete vit ky fat i mbare e hodhi direkt e ne studion e kompozitorit te njohur grek Kostandini, dy vjet me pare do te gjendej ne studion muzikore te Eric Morgeson ne Amerike.

Krejt rastesisht ne nje feste private ne Palm Springs, qe organizohej nga familja e te dashurit te saj (ne ato kohe), sot bashkeshorti i saj Gani Bardhes. Ne kete feste do te qellonte te ishte i ftuar dhe Itzy Liberman, qe do ta ndihmonte kengetaren shqiptare te gjente agjentin e duhur, qe po kerkonte ne ato kohe me qellim per te hyre ne tregun muzikor amerikan. Biznesmeni Liberman ishte personi i duhur, te cilin ajo vete nuk do ta kishte konsideruar dhe aq nese Gani nuk do t'i kishte dhene menjehere sinjalin, se ky ishte momenti me i mire per te. Ashtu do t'i rezultonte pak dite me pas dhe asaj vete. Nje jave me pas, telefoni ne shtepine e Ganit do te tringellinte per Bleonen. Keshtu ajo do te gjendej ne nje takim me agjentin e njohur Michael Novak, e me pas ne studion e Eric Morgeson, ku do te regjistronte disa kenge ne anglisht e nga ku do te lidhej me Henry Fox Agency, per te marre te drejten e nje kenge te kompozuar nga Kiki Santander (qe kompozon kenget e Riki Martinit). Keshtu, Bleona do te rishfaqej ne tregun muzikor me "Boom Boom", klipin e se ciles do ta realizonte gjithashtu ne Amerike, me kompanine "Caos film production". Duke shkaktuar zhurmen e saj te radhes ne Shqiperi. Duket se keshtu do te ndodhe edhe kete vere, me kengen dhe klipin qe vjen kete here nga Greqia.

Koha Jone
07 Korrik 2007

BIOGRAFI  (curriculum)
  
Datë lindja 14.05.1979
Vendlindja Korçe
Vendbanimi Tirana
Gjatesia 174 Cm
Pesha 57Kg
Shenja zodiakale Demi 
 

Bleona Qereti

Një nga më të njohurat këngetare & showgirl në Shqipëri, Kosovë, Maqedoni dhe gjithkund ku ndodhen shqiptarë.

Që në moshë të vogël dallohet për pjesmarrje aktive në aktivitet e ndryshme të zhvilluara për fëmijë në Korçë dhe Elbasan.

Perfaqësimi i saj i parë ndërkombëtar ka qenë në festivalin ballkanik të grupeve të fëmijëve në vitin 1991 i cili u zhvillua në Preveza të Greqisë.

Në vitin 1991-1994 aktivizohet si këngëtare dhe spikere në estradën profesioniste të teatrit "Skampa në Elbasan".

Në vitin 1994 merr pjesë në Festivalin kombëtar të këngës zhvilluar nga radio televizioni shqiptar.

Ne vitin 1995 është pjesëmarrëse e festivalit të pranverës me këngën "Si të panjohur" Boom-i i saj ka qenë në festivalin kombëtar në dhjetor të vitit 1995 me kengën "Lermëni" Mbas pjesëmarrjes së sukseshme në festivalin e pranverës 96 ftohet në një turne në Zvicer me këngëtarët më të njohur shqiptarë. Gjatë kësaj kohe provon të këndojë këngën popullore shqiptare duke marrë pjesë në koncertin e këngës së perpunuar popullore që u zhvillua në Shkodër.

Vazhdon me këngën popullore duke marrë pjesë në festivalin botëror të këngës folklorike që u zhvillua në Francë në gusht të vitit 1996 ku ishte prezantuese dhe këngëtare e grupit "Arbana" që perfaqësoi shqipërinë në këtë festival.

Në tetor të vitit 1996 vazhdon koncertet e saj në një turne 2 mujor në gjermani, Belgjike dhe Hollandë Kthehet për të marrë pjesë në festivalin kombëtar të dhjetorit 96.

Në pranverën e vitit 1997 megjithë kushtet e vështira social-ekonomike dhe trazirat në Shqipëri arrin të realizojë vidoklipin e saj të parë të këngës "Era" me të cilin perfaqësohet në festivalin e pranverës 97.Vidioklipi është transmetuar nga stacioni TV5 Francë në një emision për Shqipërinë.

Në verën e 1997 ftohet 2 muaj nga shqipëtarët e Malit të Zi për koncerte në Ulqin. Në tetor të 97 ftohet nga shqiptaret në Zvicër për një turne 1 mujor.

Në dhjetor të 97 perfaqesohet denjesisht në festivalin Kombetar të Radiotelevizionit. Në Janar të vitit 1998 realizon albumin e parë të saj të titulluar "Kam qejfin tim". Në Maj te 1998 është prezantuese së bashku me rektorin e Akademisë së Arteve zotin Kastriot Çaushi, dhe këngëtare në Koncertin më të madh që u zhvillua për Shqiptarët në Greqi organizuar nga Kompania "Koha Jonë".

Në Shtator të vitit 1998 fiton Konkursin në Akademinë e Arteve të bukura në degën e Aktrimit.

Prezanton Festivalin e Pranverës ne Qershor të 1999 ku këndon dhe hitin e saj "Nëse më do fort". Në verën e vitit 1999 merr pjesë në një turne humanitar në Zvicër, Gjermani, Belgjikë, Hollandë, Austri etj...

Në Tetor 1999, nxjerr për publikun Video-Kasetën e saj të parë me titull "Kam qejfin tim", e cila u realizua ne Gjermani gjatë verës 1999.

Ne Nëntor të vitit 1999 në një periudhë 1 mujore mban koncertet e saj në Zvicër. Në Janar të vitit 2000 realizon albumin e saj të dytë me titull "Nëse më do fort" me 13 këngë. Ne verën e vitit 2000 realizon Videoklipet e reja të albumit të dytë.

Në Shtator të vitit 2000 merr pjesë në Turneun më të madh të organizuar per Shqiptarët në Europë

Në vitin 2001 realizon kontratën e saj të parë të mirëfilltë me menaxherin Jeton Dautaj dhe realizon rreth 80 koncerte në të gjithë europën.

Në qershor të po këtij viti del në shitje për fansat albumi i saj i tretë me titull "S'me behet vonë" i cili arrin rekordet e shitjes në Shqipëri.

Në shtator të vitit 2001 realizon në Itali me regjizorin Nicola Doersole vidioklipin e këngës "S'me behet vonë" e cila shnderrohet ne hitin e 2001 për rininë. Pas 2 turneve absolutisht të sukseshme në mars e tetor të vitit 2001 ftohet eskluzivisht në diskoteken " macumba " në Fribourg ku prêt nderrimin e viteve.

Ne vitin 2002 rinovon kontraten me menaxherin Jeton Dautaj dhe ne janar te 2002 ftohet ne skandinavi nga shqiptaret se bashku me grupin Corona

.Ne muajt shkurt mars vazhdon koncertet e saj ne Zvicer Austri dhe Gjermani ne muajin prill ftohet serish ne skandinavi ( Copenhagen goteborg dhe oslo ) se bashku me grupin elita 5 .

Ne qershor 2002 diplomohet ne akademine e arteve te bukura ne degen e aktrimit me pjesen “xhaxha vanja”

.Ne korrik del albumi I saj I katert me titull ”ik meso si dashurohet” I cili thyen rekordet e tregjeve shqiptare dhe shitet ne masen 90% del njekohesisht dhe vidioja e kenges “ik meso si dashurohet”.

Ne gusht Qereti nis nje turne madheshtor ne te gjithe shqiperine ku pushton edhe sheshet e qyteve kryesore.

Nata finale e ketij turneu madheshtor perfundoi ne qytetin e Tiranes ku Qereti kendon se bashku me grupin Elita 5 live perpara syve te rreth 80 mije shikuesve.

Ne 1 nentor te ketij viti shkon ne Gjermani ne nje turne madheshtor per shqiptaret.Ne fillim te dhjetorit del ne treg vidiokaseta e dyte e bleones me titull “ik meso si dashurohet”me insertet me te mira te turneut neper shqiperi.

Ne vitin 2003 vazhdon konceretet e saj ne Europe ne Zvicer Austri Gjermani Skandinavi etj.Ne pranveren e po ketij viti nis punen per albumin e saj te 5 ku krijon bashkepunime te reja me kompozitoret Wirus I.Berani Xh.Gashi A.Hila etj dhe me autoret e teksteve A.Doci dhe J.Papingji.

Ne veren e 2003 ftohet ne ulqin ku jep koncerte per rreth 2 muaj ne diskotekat verore te Malit te Zi.Ne periudhen tetor –dhjetor 2003 krahas koncerteve ne diaspore kengetarja realizon nje turne prej 5 koncertesh ne Itali dhe Greqi ne te cilat pati nje pjesemarrje te bujshme te shqiptareve qe jetonin atje te cilet paten rastin ta ndiqnin kengetaren live ne skene,jo vetem prej ekraneve te festivaleve.

Ne dhjetor te po ketij viti del ne shitje albumi I peste I kengetares me titull”Ti nuk di as me ma…lyp”I shoqeruar nga vidioklipi me I ri I saj.

Gjate nderrimit te viteve shqiptaret ne Zvicer paten mundesine ta ndiqnin kengetaren nga afer ne nje nga diskot e zurihut ku ajo ishte e ftuar per 4 net.

Ne janar 2004 albumi I fundit arrin shifren 300 000 kopje te shitura(kaseta +cd) duke e shnderruar Bleonen ne kengetaren e pare dhe te vetme qe ka arritur kete rekord ne shqiperi.

Ne shkurt-prill 2004 vazhdon punen e saj ne koncertet e radhes ne diaspore .Ne qershor 2004 gjate nje vizite private ne USA,realizon performancen e saj te pare ne nje koncert promovues te kengeve te saj ne Chicago.Ky koncert u dha mundesine shume shqipetarve qe jetojne atje te kishin nje mbremje te paharruar ,duke bere foto dhe duke biseduar me kengetaren.

Me 18 qershor 2004 , ftohet per te marre pjese ne NAAC dinner e zhvilluar ne ambjentet e hotel PIAZA ne NY,ne te cilen nderohej z. Jams Bejker personalitet ky I shquar amerikan ,vizitori me I rendesishem ne hapjen e Shqiperise Demokratike ne vitet 1990 pas rrezimit te diktatures komuniste.

Gjate veres 2004 ,kengetarja nis koncertet e saj te perviteshme ne Kosove ,Maqedoni e Shqiperi.

Ne shtator 2004 merr pjese ne nje mbremje muzikore e ftuar nga shqipetaret me banim ne Suedi.mbremje ne te cilen ka kenduar live kenget me te bukura popullore te muzikes shqiptare.Mbas kesaj mbremjeje tani eshte bere tradite tashme qe ne programin e saj pervec kengeve me te bukura te albumeve,Bleona ne cdo koncert kendon dhe kenge popullore te zgjedhura LIVE nga muzika e larmishme shqiptare

Ne muajin tetor 2004 ftohet per te marre pjese ne spektaklin per MISS Albania ne USA.Spektakel ky I cili u realizua ne ambjentet eLinkoln Center ne Manhatan.

Dy muajt e fundit te vitit 2004 vazhdon koncertet e saje ne Greqi,Itali ,Zvicer dhe Gjermani.

Viti I Ri 2005 e ka gjetur kengetaren ne Tirane ,Prishtine dhe Peje ,duke I shnderruar ato dite festash ne nje kujtim qe do te mbetet gjate ne memorjen e publikut.

Ne dy muajt e pare te vitit 2005 starton me koncerte ne Zyrih,Frankfurt dhe Dusseldorf .

Ne muajin mars 2005 ne USA,zhvillon nje nga takimet me te rendesishme ne karrjeren e saj ,me avokatin dhe menaxherin Michael Novak ku ai I propozoi kengetares qe ajo te futet ne tregun amerikan te muzikes duke provuar te realizoje nje CD me hitet me te njohura merikane.te cilat do te hapin dyert e koncerteve ta saj ne USA jo vetem per publikun shqipetar por edhe per ate amerikan.

Ne muajin prill 2005,Bleona fillon punen intensive per realizimin e kesaj Cd,ne nje nga studiot me prestigjioze ne Detroit e quajtur studio “A recording”.Ne kete studio jane realizuar albumet e J.Z Justin Timberlake disa kenge te EMINEM si dhe kolonat zanore te filmave “Rush Our”. E impresionuar nga disqet e shumte te platinte te ekspozuar te cilat kishin mbushur koridoret e studios ,ajo , me nje perkushtim te jashtazakonshem vendos te tregoje edukaten e punes se nje kengetareje profesioniste duke punuar per rreth 3 muaj cdo dite nga ora 18 deri ne oren 04 te mengjesit.E gjitha kjo ne shenje falenderimi per ata njerez te cilet ndryshuan rrenjesisht karrieren e saj,por njekohesisht.me nje pergjgjesi te madhe per te personikfikuar te gjithe artistet e tjere shqiptare.

Ne muajin qershor 2005, perfundon albumin e saj me 12 kenge anglisht.Duke mos lene pas dore asnjehere publikun shqipetar,duke shfrytezuar edhe lidhjet e shumta te studios me agjencite e tjera artistike eskluzivisht per te realizohet nje kenge nga kompozitori Kike Santander I cili eshte njeri nga kompozitoret kryesor te kengetarit Ricky Martin dhe te muzikes latine ne pergjithesi. Kenga titullohet Boom Boom dhe eshte realizuar ne dy variante shqip dhe anglisht.Mbas marrjes se licensave perktese per realizimin e kenges tek Henry Foxx agency ,ne fund te muajit qershor 2005 kengetarja realizon hitin e saj te ardhshem (Boom Boom ) I cili do te hidhet ne treg ne formen e nje CD single qe permban kengen BOOM BOOM ne variantin shqip, anglisht ,bilingual dhe karaokee.CD-ja single u shoqerua edhe me nje CD tjeter anglisht me hite te njohura amerikane e cila u dha FREE per publikun shqiptar.

Ne muajin korrik 2005,ne Miami FL realizon dy vidiot e kenges BOOM BOOM shqip dhe anglisht me nje nga kompanite me te njohura amerikane e quajtur “CHAOS FILM PRODUCTION” me producent Alyn Dorney I cili ka qene nje nga producentet e e videos “Love don't cost a thing” te J.LO.

Ne muajin gusht 2005 starton tourin e saj ne Kosove e Shqiperi per te promovuar CD e saj te re. 

Website: www.BleonaQereti.com



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora