E enjte, 21.11.2019, 04:06 AM (GMT)

Komente

Islam Lauka, ambasadori ynë në Kosovë

E diele, 01.02.2009, 11:45 AM


Islam Lauka
Islam Lauka
Nga
Anisa Pëllumbi

Islam Lauka u emërua ditën e djeshme ambasador i Shqipërisë në Prishtinën zyrtare. Ai është i pari ambasador zyrtar në Prishtinë pas shpalljes së Pavarësisë. Lauka e njeh mirë Kosovën dhe kjo për faktin se ka shkruar disa libra mbi çështjen e Kosovës, “Kosova rast universal apo su generis” dhe “Shkëputja e Kosovës nga Rusia”, dy libra me studime. Vetë kryeministri Berisha gjatë mbledhjes së djeshme të qeverisë tha se Lauka është një nga diplomatët me eksperiencë të Ministrisë së Jashtme, një diplomat që ka vepra të tëra kushtuar Kosovës.

Por kush është ambasadori i Shqipërisë në shtetin më të ri të botës? Ka lindur në Tropojë, ka mbaruar studimet e larta për rusisht, ka kryer një sërë kualifikimesh duke mbajtur edhe titullin doktor i shkencave politike etj. Të gjitha këto në portretin e germëzuar të Islam Laukës.


A AMBASADOR. Islam Lauka është emëruar ditën e djeshme ambasador i Shqipërisë në Kosovë. Ai është emri i parë zyrtar për ambasador në shtetin më të ri të botës.

B BERISHA. Kryeministri Berisha bëri të ditur dje në mbledhjen e qeverisë se Lauka do të jetë ambasadori i Shqipërisë në Kosovë.

C CEREMONIA. Ende nuk dihet se kur do të jetë ceremonia e emërimit të Islam Laukës si ambasador i Kosovës, por është Ministria e Jashtme është ajo që do të merret me këtë punë.

Ç ÇËSHTJA E KOSOVËS. Doktor Islam Lauka ka marrë pjesë në një sërë konferencash ndërkombëtare, ku si temë ka qenë pikërisht çështja e Kosovës.

D DOKTOR I SHKENCAVE POLITIKE.
Kjo është një nga gradat që ka Islam Lauka, i sapo emëruar si ambasador i Shqipërisë në Kosovë.

DH DHËNIE. Islam Lauka ka dhënë një sërë referimesh dhe shkrimesh në shtypin e përditshëm, por edhe në konferenca të shumta studimore.

E EKSPERIENCA. Kryeministri Berisha u shpreh dje për Laukën se ka një eksperiencë të gjatë në fushën e diplomacisë.

Ë ËSHTË i pari ambasador zyrtar që emërohet në Kosovë, pas shpalljes së Pavarësisë më 17 shkurt.

F FAKTOR. Tani Islam Lauka do të jetë një faktor i rëndësishëm në marrëdhëniet mes Shqipërisë dhe Kosovës dhe e pret përpara një detyrë shumë e lartë.

G GRADË PERSONALE DIPLOMATIKE.
Islam Lauka mban dhe gradën personale diplomatike, me titullin “Këshilltar”, të cilin e ka marrë nga një kualifikim.

GJ GJASHTË. Islam Lauka në CV-në e tij ka gjashtë kualifikime, si doktor i shkencave politike, grada personale diplomatike “Këshilltar”, kurs diplomacie, kurs filozofie dhe pjesëmarrës në shumë konferenca.

H HAPJA E AMBASADËS. Në një vendim të djeshëm të qeverisë urdhërohet hapja e ambasadës shqiptare në Kosovë, ku ambasador do të jetë Islam Lauka.

I INSTITUTI SHQIPTAR I STUDIMEVE POLITIKE.
Islam Lauka mban edhe detyrën e drejtorit të Institutit Shqiptar të Studimeve Politike.

J JETSHKRIMI.
Islam Lauka ka një background të pasur si diplomat, duke nisur që nga puna Referent në Drejtorinë e Parë të Ministrisë së Punëve të Jashtme, dhe më pas në detyrën e Përgjegjësit të Sektorit.

K KRYETAR I BORDIT DREJTUES.
Që nga janari i vitit 2007, Islam Lauka mban edhe postin e kryetarit të Bordit Drejtues pranë Institutit Kombëtar të Diasporës në Ministrinë e Punëve të Jashtme.

L LIBRI. “Kosova rast universal apo sui generis” është një nga librat e doktor Islam Laukës për çështjen e Kosovës. Ky është një nga librat e shumtë që Lauka ka shkruar për Kosovën.

LL LLOGARI.
Tani për Laukën nuk do të jetë më vetëm ministri i Jashtëm, për të cilin do të japë “llogari”, por do të jetë edhe qeveria shqiptare.

M MULTILATERALE. Prej një viti Islam Lauka ka qenë drejtor në Drejtorinë e Përgjithshme të Marrëdhënieve Shumëpalëshe në Ministrinë e Punëve të Jashtme.

N NGARKUAR ME PUNË. Për katër vite, ’91- ’95, Lauka ka qenë i emëruar në Ambasadën e Republikës së Shqipërisë në Moskë me gradën e Sekretarit të Parë si dhe me pozicionin e të Ngarkuarit me Punë.

NJ NJERËZOR. Nga kolegët e tij kemi mësuar se Lauka është një njeri tepër njerëzor, por edhe korrekt gjatë gjithë punës së tij.

O ORGANIZATAT NDËRKOMBËTARE. Drejtori në varësi, që ka për detyrë të ndjekë, përpunojë, sugjerojë dhe zbatojë linjat e politikës së jashtme të Shqipërisë në marrëdhëniet e saj

P PRISHTINË. Tani kryeqyteti i ri për Laukën do të jetë Prishtina, ku ai do të ushtrojë detyrën e ambasadorit të Shqipërisë në shtetin më të ri të botës.

Q QENDRA SHQIPTARE E STUDIMEVE AMERIKANO-BRITANIKE.
Krahas detyrës si drejtor i Institutit Shqiptar të Studimeve Politike, Lauka është edhe president i Qendrës Shqiptare të Studimeve Amerikano-Britanike.

R RUSISHT. Kjo është edhe gjuha që ndoshta Lauka di edhe më mirë. Ai ka përfunduar studimet në Universitetin e Tiranës, Fakultetin Histori-Filologji, për rusisht.

RR RRESHTA. Janë të panumërta rreshtat që Islam Lauka ka shkruar për Kosovën, për çështjen e saj, të cilat janë paraqitur në dy librat e tij studimore.

S SFIDA. Për Islam Laukën sfida që e pret është më e madhe dhe më e vështirë nga detyrat që ka pasur më përpara.

SH SHKËPUTJA E KOSOVËS NGA RUSIA.
Ky është një tjetër libër i Laukës lidhur me çështjen e Kosovës, një libër studimor.

T TROPOJË. Qyteti i Tropojës është qyteti i lindjes së Islam Laukës. Ai ka lindur më 26.06.1954 në këtë qytet.

TH THELBËSORE. Për ambasadorin e ri të Kosovës tani detyrë thelbësore ngelet integrimi i Kosovës dhe marrëdhëniet e saj bilaterale më Shqipërinë.

U URË. Islam Lauka do të jetë tani një urë lidhëse mes Shqipërisë dhe Kosovës, por edhe më gjerë me të gjitha shtetet evropiane dhe botërore, me qëllim integrimin e shteti të shekullit të XXI.

V VEPRA PËR KOSOVËN. “Një nga diplomatët me eksperiencë të kësaj ministrie, një diplomat që ka vepra të tëra kushtuar Kosovës dhe që e njeh mirë problemin”, u shpreh dje kryeministri Berisha.

X X-RAY. Në shqip do të thotë një radioskopi dhe në mënyrë figurative mund të themi që Islam Lauku, ashtu siç u shpreh dhe kryeministri për kontributin e tij, ka bërë një “radioskopi të Kosovës” në veprat e tij.

XH XHENTIL. Krahas vlerësimit nga kolegët e tij si njerëzor, Lauka është edhe një njeri xhentil dhe i dashur me miqtë e tij.

Y YNË. “Shteti ynë...”, shprehja tipike për ambasadorët dhe diplomatët, tani do të bëjë pjesë edhe në fjalorin e ambasadorit më të ri të vendit tonë në Kosovë.

Z ZYRTAR. Islam Lauka është nga zyrtarët e parë në nivel ambasadori që shkon në Kosovë pas shpalljes së pavarësisë së saj.

ZH ZHVILLIMI. Zhvillimi i Kosovës dhe i marrëdhënieve dypalëshe me Shqipërinë, do të jetë në qendër të vëmendjes së ambasadorit të ri të Shqipërisë në këtë vend.

Libri nga DR. ISLAM LAUKA: “KOSOVA, RAST UNIVERSAL APO SUI GENERIS”

Nga Ramiz Lushaj                    

 

Libri studimor i suksesshëm nga Dr. Islam Lauka  " Kosova, rast universal apo sui generis", u përurua para disa ditësh në Tiranë, në praninë e personaliteteve të institucioneve të rëndësishme shqiptare, ambasadorë e diplomatë kariere të shteteve anëtare të Këshillit të Sigurimit, Bashkimit Europian e të Ballkanit, akademikë, etj. Në refererimet e diskutimet e tyre, si  Sabri Godo, studiues, shkrimtar e politikan, dhe një nga kandidatët e propozuar për President i Republikës së Shqipërisë, Prof. Dr. Valentina Duka, drejtore e Institutit të Studimeve Ballkanike, Prof. Dr. Eshref Ymeri, pedagod në Universitetin e Tiranës, mr. Flamur Gashi, drejtor i Institutit Kombëtar të Mërgatës pranë Ministrisë së Punëve Jashtme të Shqiperisë etj. folën për vlerat e veçanta studimore, kombëtare e ndërkombtare të këtij libri, të cilin i mirënjohuri Noel Malkolm e cileson "të vlefshëm dhe të rëndësishëm, i cili duhet lexuar nga çdo njerin që është i përfshirë në debatin mbi të ardhmen e Kosovës".

Dr. Islam Lauka, Drejtor i Përgjithshëm në Drejtorinë e Marrëdhënieve Shumëpalëshe në  Ministrinë e Punëve të Jashtme të Shqipërisë, President i Qendres Shqiptare të Studimeve Amerikane e Britanike dhe Drejtor i Institutit Shqiptar të Studimeve Politike, ndër të tjera, theksoi se Kosovën e vështron jo vetëm si pjesë gjeopolitike të Kombit Shqiptar e të Europës, por edhe si vlerë madhore shumëdimensionale në planin kombëtar e ndërkombëtar dhe si interes gjeostrategjik të diplomacisë, demokracisë e të politikës shqiptare, rajonale e globale në Rendin e Ri Botëror, që në maratonën e gjatë të brezave shqiptare për Kosovën ne po bëjmë hapat e fundit të finishit të Pavaresisë se saj.

Ky libër studimor nga Dr. Islam Lauka, me mbi 200 faqe e 352 referenca nga burime amerikane, britanike, ruse, serbe, etj., do të perurohet ditën e henë, më 28 maj 2007, në orën 10.00 paradreke, në Prishtinë, në mjediset e Bibliotekës Kombëtare hd Universitare, me praninë e personaliteteve të rëndësishme diplomatike, akademike e politike të Kosovës.

Libri me vlera të veçanta nga Dr. Islam Lauka: "Kosova, rast universal apo sui generis", nisur nga kërkesat e botës akademike në Tiranë, Amerikë, Kosovë, Mbreterinë e Bashkuar të Britanisë së Madhe, etj., së shpejti do të publikohet edhe në gjuhën angleze.

 

Ramiz   Lushaj, Kryetar i Forumit Shqiptar të Kulturës, Edukimit e Shkencës- Tiranë

           

 

Ne te dhjete kapitujt e ketij libri studimor, Dr. Islam Lauka, analizon me origjinalitet e seriozitet universalitetin ose konceptin ruso-serb per rastin e Kosoves dhe unikalitetin ose konceptin perendimor per rastin e saj.

       Nje vend te vçante analitik  zene simetrite dhe asimetrite e ish-federatave shumekombeshe socialiste  si ne  ish- Bashkimin e Republikave Socialiste Sovjetike dhe te ish- Republikes Socialiste Federative te Jugosllavise.

Mjaft interes  paraqet studimi per konfliktet e ngrira ne hapesirat postsovjetike , si rasti i Transdnistria ne Republiken e Moldavise, Abhazia e Osetia ne Republiken e Gjeorgjise,Nagorni-Karabahut ne Republiken e Azerbajxhanit, te cilat,  “de facto” jane republika te pavarura, autori i kendveshtron me perqasjet e problematikave te  tyre  ne republikat ,qe i mbajne  “de jure” si te tyret dhe lidhur me perfshirjen e faktorit nderkombtar e atij rus.Me mjaft interes shihet edhe trajtimi i  “ngrirjes apo shkrirjes” se ketyre konflikteve. Nje  analize tejet  te   argumentuar ne shumanshmeri rroken edhe  Kosova, si nje rast i vecante, krahasuar me keto konflikte te ngrira ne hapesirat postsovjetike. Ky kendveshtrim  studimor perben nje risi jo vetem per autorin,si nje nder te paktet  studiues kremlinologe te vendit, por edhe  ne  studimet akademike e diplomatike per ceshtjen e Kosoves ne kete start e stad te saj.

       Nje merite vleresuese per autorin, Dr. Islam Lauka, perben edhe analiza e hipertrofizimit e sovranitetit shteteror apo e drejta nderkombetare ne konceptin miloshevician, duke pase parasysh ne objektivin e tij fokusues ceshtjen e Kosoves ne planin historik, diplomatik e aktual.

 

       Veshtrimi i “Precedentit Kosove” si realpolitike, eshte nje nga meritat analitike te autorit, pasi ai e trajton  “Precedentin Kosove” ne realpolitiken ruse, ne vetvete edhe realpolitiken e marredhenieve ruso-serbe dhe, me tej, te drejten e veto-s ne Keshillin e Sigurimit  si instrument i realpolitikes ruse.

 

      Ne perfundim, Dr. Islam Lauka, del me konkluzion te qarte e mjaft i vendosur duke e  kategorizuar   Pavaresine e Kosoves si nje zgjidhje pa alternative, si kod e aksiome te dites, dhe, per kete, nder te tjera, paraqet argumentat e tij, duke theksuar se shtyrja e pavaresise eshte gjenerim i impulsive negative; “Kosova ne Serbi” eshte formule e destabilizimit, duke e pare  ndarjen e Kosoves  si Detonator Ballkanik, .duke e   trajtuar realitetin dhe realizmin e saj te sotem ne  rrjedhat e dhenies se statusit te saj final, si nje zgjidhje euroatlantike dhe si nje arritje te diplomacise e zhvillimeve  boterore.

 

        Botimi studimor  “ Kosova, rast universal apo sui generis” eshte ne  nderin e punes se mirefillte shkencore te dr. Islam Lauka, si diplomat kariere,aktualisht Drejtor i Marredhenieve Shumepaleshe ne Ministrine e Puneve te Jashtme te Shqiperise, si  President i Qendres Shqiptare te Studimeve Amerikane e Britanike, si drejtor i Institutit Shqiptar te Studimeve Politike dhe si autor i disa  publikimeve per Kosoven, marredheniet shqiptaro-ruse,etj.

       Studiuesi i mirenjohur  britanik, Noel Malkolm,  ne komentet e tij per kete liber studimor, thekson se “ Ky eshte nje studim i vlefshem dhe i rendesishem. Me qartesi dhe koncizitet mbreselenes, Islam Lauka, analizon nje sere pretendimesh te ngritura, ne menyre te vecante nga publicistet dhe politikanet  ruse, rreth implikimeve  qe mund te sjellin pavaresia e Kosoves  dhe me zotesi nxjerr ne drite  dobesite dhe kundertheniet e tyre”. Malkolm,mbetet i mendimit se: “Pa dyshim, eshte liber, i cili duhet lexuar nga cdonjeri qe eshte i  perfshire  ne debatim mbi te ardhmen e Kosoves”

                                                                                                   Ramiz Lushaj

Tirane, me 21.05.2007 shqiptaro-ruse,etj.

       Studiuesi i mirenjohur  britanik, Noel Malkolm,  ne komentet e tij per kete liber studimor, thekson se “ Ky eshte nje studim i vlefshem dhe i rendesishem. Me qartesi dhe koncizitet mbreselenes, Islam Lauka, analizon nje sere pretendimesh te ngritura, ne menyre te vecante nga publicistet dhe politikanet  ruse, rreth implikimeve  qe mund te sjellin pavaresia e Kosoves  dhe me zotesi nxjerr ne drite  dobesite dhe kundertheniet e tyre”. Malkolm,mbetet i mendimit se: “Pa dyshim, eshte liber, i cili duhet lexuar nga cdonjeri qe eshte i  perfshire  ne debatim mbi te ardhmen e Kosoves”

 

Ramiz Lushaj

Tirane, me 21.05.2007



(Vota: 0)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT