Kulturë
Naser Aliu: Koncerti shqiptar
E premte, 09.01.2009, 11:41 PM
Naser Aliu
Koncerti shqiptar
Unë njoh një shqiptar, që donë ta ndryshojë alfabetin
Njoh një shqiptar, që donë ta ndryshojë gjuhën
Edhe një, që donë ta ndryshojë flamurin
Një tjetër, që donë ta ndryshojë himnin
Dhe një, që donë ta ndryshojë historinë
Unë njoh një shqiptar, që donë ta ndryshojë emrin
Unë njoh një, që donë ta ndryshojë mbiemrin
Njoh një shqiptar, që donë të ndryshoje edhe emrin, edhe mbiemrin
Një tjetër, që donë ta ndryshojë origjinën
Unë njoh një shqiptar, që donë ta ndryshojë kombin
Dhe ta ndërtojë një komb për vete
Sipas dëshirës:
Komb privat
Histori private
Hero privat
Gjuhë private
Alfabet privat
Për ditë të liga, për ditë të mira
Dhe,
Unë njoh këtë shqiptar trazovaç
Që do të ndryshonte çdo gjë, edhe Tokën
Por, kurrë, veten!
E njoh unë atë! Edhe ti...
Dhe e dua, ashtu si është, trazovaç...
kërcënues, mburracak, kokëfortë, plëngprishës
E dua se po bërtet nga dëshpërimi
Bota rreth tij po ndryshon
E ai mbeti