Zemra Shqiptare

  https://www.zemrashqiptare.net/


Kastriot Dervishi: Vetëvrasja e 24 vjeçarit nga Mitrovica në qendrën e filtrimit

| E diele, 06.11.2022, 07:47 PM |


Vetëvrasja e 24 vjeçarit nga Mitrovica në qendrën e filtrimit

Nga Kastriot Dervishi

Për gjithë shqiptarët e Kosovës, para se t’i degdiste e poshtëronte në Llakatund, Seman apo Çermë, Sigurimi zhvillonte një seancë “krehjeje” torturash në shtëpinë e filtrimit të Ministrisë së Punëve të Brendshme në Shijak. Më 3.12.1964 duke mos duruar torturat u vetëvar Dibran Tafil Dibrani, lindur në Mitrovicë në vitin 1940, ardhur në Shqipëri më 27.10.1964 së bashku me gruan dhe Halil Halimin. Të tre ishin marrë të pandehur për “kalim të paligjshëm të kufirit” dhe mbaheshin të izoluar. Vdekja e tij jepej në njoftimet zyrtare, por duke e theksuar se “shtetasi jugosllav” kishte ardhur “me dashnoren dhe një tjetër”. Nuk kishte dyshim se Shqipëria e “bacë Enverit” e kishte në maksimum urrejtjen dhe keqtrajtimin e shqiptarëve të Kosovës.