E enjte, 06.10.2022, 06:17 PM (GMT+1)

Kulturë

Blerim Rrecaj: Vjelje stinësh

E enjte, 22.09.2022, 02:36 PM


Blerim Rrecaj

VJELJE STINËSH

Pranverë e stërpikur me të bardha

Të bardha

Lulet e pemëve

Të drunjëve

Të gëmushave

Të bardha

Maje malesh

Re të qiellit

Dhe vendbanime

N’largësi e n’lartësi

Zogjtë këndojnë përreth

Për këtë stërpikje bardhësish

Për mirësi e për mbarësi

Me tinguj të bardhë

Sa dhe ky gjelbërim

E kjo kaltërsi

Iu duket e bardhë

Vjelje vere

Po përpiqem të shkruaj ca vargje

Më duket se e gjeta një titull

Për verën që erdhi plot shkëlqim

Dhe me mallëngjim është duke ikur

Mëmëdhe të duam fort edhe

Për mozaikun e mrekullueshëm të stinëve

Veç një grimë e një gram më shumë

Kur toka e qielli ynë po mbushet dallëndyshe

Shije e verës po mbetet në ne

Pak dallëndyshe tash në qiell

Në rrugë më pak njerëz vetura e targa

E volëm verën edhe sivjet

Me urimin e bukur në gjuhën njerëzore

Na priftë e mira dhe e mbara

Pragvjeshte

Në qiell u shtrua një qilim i bardhëllimtë

Paksa i hirtë me ca njolla kaltërsie

Dallëndyshet më s’po lodrojnë

Mbi ballkone banesash

Kjo do të thotë se vjeshta po na vije

Qiell i përzier një shtrojë artistike

Varg varg i lirë, diku dhe me rimë

I këndshëm, i butë, i pastër, i larë

E tund, e shkund e tremb zhyllkaosin

Si dordolec prej kashte diku në një arë…

Borëzim

Fije merimange

Mbështjellur

Me borë

Buzëqeshje e kacavarur

Për degësh gjethedushk

Njëkohësisht dukesh

E brishtë dhe e fortë



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora