E enjte, 02.02.2023, 06:48 PM (GMT)

Kulturë

Sevdail Hyseni: Peshku i artë

E diele, 18.09.2022, 12:18 PM


Sevdail Hyseni

Satirike

Peshku i artë

Shqiptari dhe serbi

Dy fqinj kapedanë,

Dalin për t´peshkuar

N´Liqenin Ujman.

Mirëpo, me siç thonë

Çdo kujt s´i ecë zari,

Nën një kulm jetojnë

Qari dhe zarari!

Hidhet grepi n´ujë

Shqiptari me fat,

Pa prit e kujtuar

Zë peshkun e artë!

Qe një gëzim i madh

Shqipja me përvojë,

Peshku majë grepi

Nis e flet me gojë!

A ma falni jetën

- O të priftë e mira,

Do t´ua plotësojë

Me qejf tri dëshira!

Jo! - tha peshkatari

-Çfarë po medon?

Mos deshe të mbetem

Pa një racion?!

Fqinji për bri

Kërcen sikur plesht,

-Po fale, ore

Mos u bënë i leshtë!

Nuk ka më mirë

Se të jesh ballëlartë,

T´ia falësh jetën

Një peshku të artë!

U bind shqiptari

Të falë si gjithmonë,

Peshku kërcen n´ujë

Dhe nis të vibron…

O peshkatar i mbarë

-Të falem sërish,

Çdo dëshirë e jote

Për fqinjin dyfish!

Desh plasi shqiptari

Një mllef e tërbon,

Për pak sa nuk ra

Me kokë në Ujman!

E mendon shqipja

Dëshirën e parë,

-Dua sa një kodër

Një thesar me ar!

Dyfishin e kësaj

E merr fqinji troç,

Po i vijnë të mirat

Si shiu n´kollomoç!

Dëshira e dytë

Vjen me dashuri,

-Dua dy nuse

Të bukura hiri!

Serbi nuk përmbahet

Nga të mirat plus,

Por, dëshirë e tretë

I doli baksuz!

Shqiptari kërkon

Një diçka të vogël,

T´i hiqet me nder

Vetëm njëra gogël!

Serbi desh u çmend

Nga dëshira e tretë,

Pa të cilat jeta

S´ka fare lezet!

Kjo mesele ngjanë

Në Open Ballkan,

Dikush pa dy gogla

Mbetet përgjithmonë!

(Karikatura e përpunuar marrë nga interneti)



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora