E marte, 27.09.2022, 02:36 AM (GMT+1)

Kulturë

Kasam Shaqirvela: Bjeshkëve të mia

E premte, 29.07.2022, 06:49 PM


BJESHKËVE TË MIA

Nëse një herë të vetme

të shkeli këmba në bjeshkët e mia

dhe etjen e shuajte krojeve të bardha

nëse veç njëherë e preke majën time

atë majën e malit që shpon qiellin

për puthje të reve të bardha

ti do të kthehesh saherë që

trupi yt të ketë zjarrmi

aty do të kërkosh

për shpirtin tënd freski

bashkë me aromën e luleshqerave

do t’ia ndiejsh dheut të atdheut

erën e baltës së shkelur

por kurrë e terur...

reshjesh prej gjaku

dhe nëse një ditë prej ditësh

vullkani shpërthen në mua

dhe lava e tij më derdhet si krua

livadheve t’mendimeve t’befta

ti, mblidhi gurët nga dheu...

dhe me ta ndërtoje kështjellën tënde

sepse ata gurë të vendit

mbanë akoma erë Atdheu!

© Kasam ShAQIRVELA



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora