E diele, 04.12.2022, 04:16 AM (GMT)

Mendime

Florim Zeqa: Dorëzimi i Albin Kurtit!

E shtune, 25.06.2022, 07:53 PM


Dorëzimi i Albin Kurtit!

Firmosja nga Besnik Bislimi i udhërrëfyesit për zbatimin e marrëveshjes për energjinë, e cila ishte nënshkruar në vitin 2013 përkatësisht 2015, paraqet dorëzimin e ‘Qeverisë Kurti 2’ përballë Serbisë, i cili të njëjtën e kishte kundërshtuar fuqishëm në Kuvend, madje duke hedhur vezë dhe gaz molotovi në Kuvend!

Shkruan: Florim Zeqa

Kushtetuesja të verifikojë rrëshqitjet e Albin Kurtit

“Unë nuk kam ndryshuar as koncept as qëllime, as qëndrime, mirëpo kam metoda të cilat për konceptin dhe qëllimin e njëjtë bëjnë më të mirën e mundshme në kohën që është e ngopur me trashëgimi të mbrapshta” (Albin Kurti)!

Prandaj, nuk ka nevojë që të dërgohet në Kushtetuese ‘udhërrëfyesi’, por Albin Kurti për verifikim të koncepteve dhe qëndrimeve prapa të cilave fshihet qëllimi i tij politik!

Çertifikimi i kompanisë ‘Elektrosever’ nga ZRE-ja (pronë e Republikës së Serbisë) për furnizim të energjisë në veriun e vendit tonë paraqet shtrirje të sovranitetit të Serbisë dhe humbje të sovranitetit të shtetit të Kosovës në pjesën veriore!

‘Elektroseveri’ i kundërshtuar para katër viteve nga i njëjti subjekt dhe lider politik nuk ka si të përkthehet ndryshe veçse dorëzim përballë Serbisë dhe nënshtrim përballë presionit ndërkombëtar.

Muaji i qershive apo udhërrëfyesi i lagur!?

‘Udhërrëfyesi’ për zbatimin e marrëveshjes për energjinë nuk është produkt i “Qeverisë Kurti 2” por i atyre paraprake. Është produkt i marrëveshjeve të viteve 213-2015. E meqë është kësht Albin Kurti nuk ka të drejtë të marr përsipër autorësinë e një dokumenti që nuk është përgatitur nga ai, duke thënë, po citoj: “ne kemi bërë udhërrëfyesin më të mirë të mundshëm në këtë kontekst politik”, për shkak se të njëjtit dokument nuk i është shtuar asnjë pikë dhe asnjë presje!

Albin Kurti ka të drejtë dhe duhet që të merrë përgjegjësitë politike nga ardhja në pushtet, përkatësiht për nënshkrimin e marrëveshjes së ‘keqe’ siq e quante dikur si opozitar mes Kosovës dhe Serbisë për çështjen e energjisë eleketrike në veri të vendit, të nënshkruar nga vartësi i tij Besnik Bislimi ditë më parë në Bruksel.

Rrëshqitjet dhe huqjet e njëpasnjëshme politike të Albin Kurtit vërtetë janë bërë shqetësim për qytetarët e vendit. Nuk ka si të jetë ndryshe kur shkëlqimi dhe rënja e imazhit të një qeverie ndodhin brenda një viti!

Nuk mjaftojnë arsyetimet e kryeministrit me legjitimitetin më të madh qytetar “I kemi duart e baltosura, sepse e kemi gjetur shtetin e baltosur, e ne po mundohemi ta pastrojmë”!

Të gjithë i kemi të freskëta në memorien tonë qendrimet dhe premtimet e Albin Kurtit si opozitar, prandaj gëlltitja e ‘qershive të lagura’ lejohet vetëm në muajin qershor e jo më pas!

Qendrestarët nuk dorëzohen kaq lehtë!



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora