E merkure, 07.12.2022, 10:24 PM (GMT)

Kerko: gjon keka

Gjon Keka: Ditëlindja e Dragoit të Arbërisë

E enjte, 05.05.2022, 08:39 PM


Ditëlindja e Dragoit të Arbërisë

Nga Gjon Keka

617 vjet më parë lindi trashëgimtari faqebardhë i Kastriotëve që do ta shkruante historinë dhe epokën e tij e të Arbërisë me shkronja të arta.

Zakonisht lindja e njerëzve të mëdhenjë sikur ishte Gjergj Kastrioti vjen me vizione, profetizime dhe yllin që ndjek hap pas hapi lindjen dhe të ardhmen e tij, yll që më pas gradualisht do të shndërrohet në diell e dritë për lirinë, pavarësinë, të mirën e përgjithshme të atdheut dhe të shtetit Arbëror.

Rinia e tij u pajis shpejt me stoli legjendare dhe mitike.

Për shembull, thuhet se ‘’nëna e tij Vojsava pati një vegim qiellor një natë para se të lindte Gjergjin e Madh.

Në gjumë ajo pa sesi një dragua i tmerrshëm me kthetra e luspa të shndritshme u ngrit në malet e Arbërisë dhe me nofullat e hapura u hodh drejt Turqisë.

Më vonë ai u kthye dhe u hodh në detin Adriatik.“ Djali i porsalindur thuhet se kishte një shenjë lindjeje në formën e një shpate në krahun e tij; herën e parë që ishte në gjendje të ecte vetëm, ai lëvizi në lojërat e përbashkëta, me babain e tij dhe e shtrëngoi shpatën në mënyrë të flakët me duart e tij të vogla.

Këto në fakt ishin shenjat e para që ai i shfaqi që në vegjëli dhe të cilat me kohë do të shfaqej tek ai talenti i rrallë i artit të luftës dhe strategut të madh.

Madje në betejat që e dërgonte Sulltani bashkë me ushtarët tjerë otoman gjatë kohës sa ishte peng atje, thuhet se ushtarët turq, kur e shihnin atë në beteja nxirrnin këto fjalë për të : „A mos është ky Aleksandri (Leka) i Madh i ngjallur prej varri.“

Poashtu edhe pas pushtimit të Arbërisë dhe marrjes së tij peng në oborrin e Perandorisë Otomane, ai tregoi dhuntin e tij dhe shkëlqeu në të gjitha fushat ku ai prekte dhe ecte, fama dhe fati ishin krahët e tij me të cilat ai fluturontë, fluturonte, gjersa një ditë arriti ta realizonte planin e tij kombëtar të rikthimit në Atdhe dhe Bashkimit të Arbërorëve në luiftën kundër pushtuesit otoman.

Duke qenë se Gjergj Kastrioti ishte i talentuar në artin e Luftës, ai i dinte rregullat e luftës në atë kohë edhe pse në atë kohë nuk kishte rregulla ndërkombëtare të luftës, ai sikur të kishte lindur për të gjitha epokat, i respektoi rregullat e luftës duke nxjerrë vlerën humane apo njerëzore mbi çdo interes, pasion, luftë apo pushtet etj, ai e shihet qenjen njerëzore si qenje shpirtërore të pafajshme, sidomos gratë, pleqtë dhe fëmijët për ta ishin prioriteti i parë që ata të ishin të sigurtë dhe të mbrojtur. Kështu ai urdhëronte që në ato vende e qytete ku zhvillohej lufta, fëmijët gratë e pleqtë të zhvendosen në vendet më të sigurta dhe të mbrojtura.

Ndërkaq duhet nënvizuar edhe këtë se heroi ynë ishte i lidhur më popullin e vetë nga gjiri i të cilit ai doli, prandaj ai jetoi, punoi, luftoi dhe ndërtoi vendin gjithnjë nisur nga detyra për atdheun e tij, të mirën e tij, sigurinë e tij, dhe të ardhmen e tij, e poashtu edhe detyra që shtronte epoka në planin arbëror dhe atë ndërkombëtar apo europian. Duhet vënë re këtë se populli i Gjergj Kastriotit (Skënderbeut) në atë kohë ushqenete aspirata europiane, sepse i takonte atij natyrshëm dhe ishte pjesë kardinale e familjes europiane në të gjitha proceset dhe dinamikat e asaj kohe.

Gjergj Kastrioti si dje ashtu edhe sot është për ne lideri, mbreti dhe heroi më i madh dhe i pavdekshëm i kombit tonë, ndërsa si dje edhe sot ai është për Europën figura më e rëndësishme dhe e papërsëritshme e historisë së përgjithshme europiane. Ai mbeti shembulli i madh, i një luftëtari e strategu të madh për lirinë dhe pavarësine e popujve të Europës juglindore dhe të Europës në përgjithësi.



(Vota: 5 . Mesatare: 5/5)

Komentoni
Komenti:

Artikuj te tjere

Gjon Keka: Gjenocidi ndaj popullit arbëror dhe armen nga pushtuesit otoman Gjon Keka: Ja pse nuk do të lind më një i ngjashëm me Gjergj Kastriotin! Gjon Keka: Skënderbeu përkrah Hanibalit, Aleksandrit dhe Cezarit Gjon Keka: Fishta, Gjeçovi dhe Curri ishin dekoruar me urdhëra të ndryshëm perandorak të Austrisë Gjon Keka: Gjergj Kastrioti ishte i vetmi që bashkoi arbërorët Gjon Keka: Çdo institucion dhe familje duhet me i mbajtë portretet e Gjergj Kastriotit dhe Nënë Terezës Gjon Keka: Ja pse tezat e Schmitt-it nuk qëndrojnë shkencërisht Gjon Keka: Çfarë do të thotë të jesh pasardhës i Gjergj Kastriotit në këtë shekull? Gjon Keka: Fitoret kryesore të Gjergj Kastriotit dhe emrat e atyre që i mundi në beteja Gjon Keka: Me rastin e përvjetorit të vdekjes së heroit Idriz Seferi Gjon Keka: Kryezoti arbëror Gjergj Kastrioti mbante edhe veshje prej armature Gjon Keka: Sikur të mos ishte kthyer Skënderbeu,a do të kishte Arbëri? Gjon Keka: Arbërorët kanë historinë e vet, ata janë nipat e atyre të mëdhenjve që ndriçuan botën Gjon Keka: Gjergj Kastrioti i Marin Barletit mund të jetë botuar në vitin 1488 Gjon Keka: Figura e Gjergj Kastriotit një nga figurat më të trajtuara Gjon Keka: Shtypi austriak i vitit 1930 mbi ndalesën në Jugosllavi të revistës ''Hylli i Dritës'' të edituar nga Gjergj Fishta Gjon Keka: Çeta e heronjve, në krye me kryeheroin Gjergj Kastrioti Gjon Keka: Emrin Vojsava nuk e kishte vetëm nëna e Gjergj Kastriotit, por edhe shumë gra fisnike arbërore Gjon Keka: Dardania sipas Strabon, dhe në kohën e sundimit romak Gjon Keka: Gjergj Kastrioti mbante dhoma të thesareve të paçmuara

Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora