Skënder Hoxha: Haiku im nuk harron

SKËNDER R. HOXHA

HAIKU IM NUK HARRON

Në Dushkajën time të lashtë

Shumë kujtime i lidh

Me lulet e Shëngjergjit...

Udha e Kuqe e Gërgocit

Më ruan një kujtim gati të harruar!

Për atë nate n'rrugëmali.

Disa këmbësorë të vonuar.

Tek ktheheshim nga Gjakova

Një grua ishte me ne...

Më ndali në terrinë

Më kapi përdore rastisi!

U shmanëm në buzëmali!

Udhëtarët e rraskapitur

As që vrisnin mendjen

Se dikush u mungonte!

Isha gjimnazist i ri

Diçka bëmë me atë grua

Nuk ishte dashuri...

Festat e majit na bashkonin

Dikur në Sukë të Cërmjanit

Këngë e valle gumëzhinin...

Kujtonim Gjergj Fishtën

Me vargje të Hasan Hasanit

Krenohej Dushkaja!

(Pejë, 17 prill 2022)